صوبائی وزیر سید ناصر شاہ نے کہا ہے کہ چیئرمین پی ٹی آئی کو بہت پہلے گرفتار ہو جانا چاہیے تھا۔

تفصیلات کے مطابق صوبائی وزیر سید ناصر شاہ نے داؤد یونیورسٹی سکھر کیمپس کا افتتاح کرنے کے بعد میڈیا سے گفتگو کرتے ہوئے کہا کہ نگران سیٹ اپ سے پہلے بہت بےتابی بے چینی پائی جاتی ہے، اسمبلیاں تحلیل ہونے کے بعد تین سے آٹھ روز کا ٹائم ہوتا ہے لیڈر آف دی ہائوس منتخب کرنے کیلئے، میں سمجھتا ہوں کہ نگران وزیر اعلیٰ اور وزیر اعظم کے نام اسمبلیاں تحلیل ہونے کے تین روز بعد ہی فائنل ہو پائیں گے۔

ناصر شاہ نے کہا کہ نگران سیٹ اپ کیلئے وزیر اعظم اور وزیر اعلیٰ کی اپوزیشن لیڈرز کے ساتھ باضابطہ تاحال کوئی میٹنگ نہیں ہوئی، مصروفیات کے باعث نگران سیٹ اپ کیلئے میٹنگز نہیں ہو سکی ہیں۔

ان کا کہنا تھا کہ چیئرمین پی ٹی آئی کو تو بہت پہلے گرفتار ہو جانا چاہیے تھا، انہوں نے جو بویا ہے وہ کاٹا ہے۔

انہوں نے کہا کہ چیئرمین پی ٹی آئی کے دور حکومت میں آصف زرداری، فریال تالپور، نواز شریف، مریم نواز کو گرفتار کیا گیا۔

ناصرشاہ نے کہا کہ طاقتور حلقے اس وقت اے پولیٹیکل ہیں، عام انتخابات میں پی پی سندھ بھر میں کلین سوئپ کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/855341/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/08/855341/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں