جمعیت علماء اسلام (جے یو آئی) نے بلوچستان کے نگران وزیر اعلیٰ کیلئے امیدوار کا اعلان کر دیا۔

تفصیلات کے مطابق اپوزیشن جماعتوں کی باہمی مشاورت سے بلوچستان کے نگران وزیر اعلیٰ کیلئے سابق رکن قومی اسمبلی انجینئر عثمان بادینی کا نام تجویز کیا گیا ہے۔

نگران وزیر اعلیٰ کے دور میں حکومتی اتحاد کی جانب سے میر نصیر بزنجو کا نام بھی زیر غور ہے۔

ضلعی چیئرمین آواران میر نصیر بزنجو کا تعلق بی اے پی سے ہے اور وہ وزیر اعلیٰ بلوچستان کے قریبی عزیز ہیں۔

ریٹائرڈ بیورو کریٹ شبیر مینگل کا نام بھی نگران وزیر اعلیٰ کیلئے تجویز کیا گیا ہے۔

قائد ایوان اور قائد حزب اختلاف کے درمیان رابطوں کا فقدان ہے۔

نگران وزیر اعلیٰ اور کابینہ کی تشکیل کیلئے قائد ایوان اور قائد حزب اختلاف کا اب تک صرف ایک ہی اجلاس ہو سکا ہے۔

غیر رسمی ملاقاتوں میں وزیر اعلیٰ بلوچستان اپوزیشن اراکین سے نگران کابینہ پر اظہار خیال کرتے ہیں۔

قانونی ماہرین کا کہنا ہے کہ رابطوں کے فقدان اور متفقہ فیصلہ نہ ہونے پر نگران وزیر اعلیٰ کا اعلان الیکشن کمیشن کریگی، اسمبلی کے تحلیل ہونے سے قبل ہی قائد ایوان اور قائد حزب اختلاف کو نگران وزیر اعلیٰ کیلئے کسی ایک امیدوار پر متفق ہونا ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/869305/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/869305/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں