اسلام آباد: الیکشن کمیشن آف پاکستان نے اسلام آباد لوکل گورنمنٹ ایکٹ میں مزید ترمیم کی ہدایت کردی ہے۔

تفصیلات کے مطابق اسلام آباد میں بلدیاتی انتخابات سے متعلق چیف الیکشن کمشنر سکندر سلطان راجہ کی زیر صدارت اعلیٰ سطح کا اجلاس منعقد ہوا جس میں لوکل گورنمنٹ ایکٹ میں مزید ترمیم کی ہدایت دی گئی۔

دوران اجلاس الیکشن کمیشن نے کہا کہ بلدیاتی ایکٹ میں مخصوص نشستوں سمیت کچھ شقوں میں ترمیم کی جائے۔

ذرائع نے بتایا کہ اجلاس میں وزارت داخلہ نے بلدیاتی قانونی میں جلد ترمیم کی یقین دہانی کرا دی۔

واضح رہے کہ الیکشن کمیشن کے اجلاس میں ممبران وزارت داخلہ کے حکام، سیکریٹری داخلہ سید علی مرتضٰی اور دیگر حکام شریک تھے۔

خیال رہے کہ الیکشن کمیشن نے اسلام آباد کے بلدیاتی انتخابات کے لئے مخصوص نشستوں سے متعلق دستاویزات مانگ رکھی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/924737/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/924737/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں