امیر جماعت اسلامی سراج الحق نے کہا ہے کہ اسلامو فوبیا جاری رہا تو دنیا کا امن شدید متاثر ہوگا۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ سویڈن قرآن کریم کی بے حرمتی کے ایک اور واقعہ ہوگیا، بہیمانہ اقدام کی پرزور مذمت کرتے ہیں،اسلامی ممالک کے حکمرانوں بیدار ہوں، اسلامو فوبیا جاری رہا تو دنیا کا امن شدید متاثر ہوگا۔

انہوں نے کہا کہ نائب امیر جماعت اسلامی بنگلہ دیش کی شہادت اسلام اور پاکستان سے محبت کا نتیجہ ہے، مولانا دلاور حسین سعیدی کی استقامت اور حوصلے کو سلام پیش کرتے ہیں، عالمی تنظیمیں بنگلہ دیش میں انسانی حقوق کی شدید خلاف ورزیوں کا نوٹس لیں۔

امیر جماعت اسلامی سراج الحق نے مزید کہا کہ قوم میں مزید مہنگائی برداشت کرنے کی سکت نہیں ہے، نگران حکومتیں سیکیورٹی کی بگڑتی صورت حال اور مہنگائی پر قابو پائیں، سابقہ حکومت سے معیشت بہتر نہیں ہوئی، اسمبلیوں نے بھی عوام کو ریلیف نہیں دیا، قومی خزانہ ہیوی ویٹ کابینہ، پروٹوکول، مراعات پر پانی کی طرح بہایا گیا ہے۔