جنرل سیکریٹری پیپلز پارٹی وسطیٰ پنجاب سید حسن مرتضیٰ نے کہا ہے کہ بلاول بھٹو کی بہترین خارِجہ پالیسی پر پوری قوم ان کو خِراج تحسین پیش کرتی ہے۔

تفصیلات کے مطابق حسن مرتضیٰ نے اپنے ایک اہم بیان میں کہا کہ پاکستانی زائرین کے لیے اربعین پر عراقی مفت ویزہ پالیسی کے اعلان کا خیر مقدم کرتے ہیں، 19 اگست سے 20 ستمبر 2023 تک پاکستانی زائرین عراقی بارڈر اور ائیرپورٹس پر مفت ویزہ حاصل کر سکیں گے، چیئرمین بلاول بھٹو زرداری کے دورہ عراق میں کئے جانے والے اقدامات کے ثمرات زائرین کو ملنا شروع ہو گئے۔

حسن مرتضیٰ نے کہا کہ عراقی بارڈر پر مشکلات کے حل کے لیے سابق وزیر خارجہ بلاول بھٹو زرداری کی کاوشیں لائق تحسین ہیں، بلاول بھٹو کے عراقی حکومت سے اعلیٰ سطحی ملاقاتوں کے نتیجہ میں ایسا ممکن ہوا، نجف اشرف میں قونصلیٹ کا قیام، بغداد شریف میں ایمبیسی کپملیکس کی تعمیر سے زائرین کی مشکلات حل ہونگی۔

ان کا کہنا تھا کہ اربعین کے لیے جانے والے پاکستانی زائرین چیئرمین بلاول بھٹو زرداری کے دورہ عراق میں کئے جانے والے اقدامات پر شکر گزار ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/971906/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/08/971906/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں