چیئرمین جوائنٹ چیفس آف اسٹاف کمیٹی جنرل ساحر شمشاد مرزا اور تینوں مسلح افواج کے سربراہوں کی جانب سے قوم کو آزادی کی مبارکباد پیش کی گئی ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ آزادی کا دن ہمیں اپنے اسلاف کے وژن، عزم اور ان گنت قربانیوں کی یاد دلاتا ہے۔

آئی ایس پی آر کے مطابق یہ دن عظیم قائد کے آزاد و خودمختار وطن کے خواب کے حصول کے لیے دی گئی قربانیوں کی یاد دلاتا ہے۔

آئی ایس پی آر کا کہنا ہے کہ مادر وطن کے دفاع اور آبا کے آزادی کے خواب کی خاطر دھرتی کے ہزاروں سپوتوں نے جانوں کا نذرانہ پیش کیا۔ سب عہد کریں کہ آج مشکلات کے باوجود ہم امن، سماجی ہم آہنگی اور قومی اتحاد کو برقرار رکھیں گے۔

آئی ایس پی آر نے کہا کہ عہد کریں کہ افواج پاکستان اور عوام کے درمیان دراڑ ڈالنے کی سرتوڑ کوششیں کرنے والی دشمن قوتوں کو کبھی کامیاب نہیں ہونے دیں گے۔

آئی ایس پی آر کا بیان میں مزید کہنا ہے کہ افواج پاکستان قوم کی مدد سے ہمیشہ پاکستان کے امن اور علاقائی سلامتی کا دفاع کرتی رہیں گی، عوام کی توقعات کے عین کے مطابق افواج پاکستان قوم کی امیدوں پر پورا اتریں گی۔

اس سے قبل آرمی چیف جنرل عاصم منیر نے یوم آزادی کے موقع پر پاکستان ملٹری اکیڈمی کاکول میں آزادی پریڈ  سے خطاب کرتے ہوئے کہا تھا کہ یہ دن ہمارے قائدین اور اسلاف کی بصیرت اور قربانیوں سے حاصل کی گئی آزادی کی تکریم کا دن ہے۔

جنرل عاصم منیر نے کہا کہ آج کا دن ہمیں پاکستان کا مطلب کیا لا الااللہ کے پیغام کی روح کو سمجھنے پر زور دیتا ہے، یہ پیغام دو قومی نظرئیے کی اساس اور برصغیر کے مسلمانوں کی منزل ہے۔

آرمی چیف کا کہنا تھا کہ ہم 76 برس سے آزادی کا دن منانے کی روایت قائم رکھے ہوئے ہیں، پاکستان بیشمار وسائل اور ان گِنت نعمتوں کی سرزمین ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/980836/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/980836/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں