اسلام آباد: نگران وفاقی حکومت نے بجلی چوروں کو پکڑنے کے لئے رینجرز کی خدمات لینے کا فیصلہ کرلیا ہے۔

ذرائع کے مطابق پاور ڈویژن نے وزارت قانون کے ساتھ ملکر صدارتی آرڈیننس تیار کرنے کا فیصلہ کرلیا۔

ذرائع کا کہنا ہے کہ بجلی چوروں کو 6 ماہ سے 3 سال تک سزائیں اور 50 ہزار سے 5 لاکھ تک جرمانے کی تجویز دی گئی ہے۔

ذرائع نے مزید بتایا کہ نئے آرڈیننس کے تحت بجلی چوری کیسز کے جلد فیصلے کے لیے خصوصی عدالتیں بنے گی اور یہ عدالتیں 3 ماہ سے 4 ماہ میں فیصلہ کرنے کی پابند ہوں گی۔

دوسری جانب وزارت توانائی نے تمام تقسیم کار کمپنیوں کے گریڈ 17 سے 19 تک فیلڈ افسران کو تبدیل کرنے کا فیصلہ کرلیا ہے۔

اس حوالے سے وزارت توانائی کے حکام نے بتایا کہ وزارت توانائی نے ڈسکوز کو ہدایات جاری کردی ہیں، پورے ملک میں پندرہ سو سے زائد افسران تبدیل ہوں گے۔

حکام کے مطابق ایس ڈی او ایکسین سپریٹنڈنٹ انجینئرز کے تبادلے کریں گے، شام تک تمام ڈسکوز تیادلوں پر عمل درآمد کریں گی۔

حکام وزارت توانائی نے مزید بتایا کہ تبادلوں سے کئی سالوں سے ایک جگہ پر تعیناتی افسران کو دیگر سرکلز میں بھیجا جائے گا۔

وزارت توانائی کا کہنا ہے کہ بجلی چوری کنڈا کلچر کی روک تھام کیلئے یہ اقدام اٹھایا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/126105/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/126105/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں