آج 6 ستمبر کو یومِ دفاع کے موقع پر کراچی میں بانیٔ پاکستان قائدِ اعظم محمد علی جناح ؒ کے مزار پر گارڈز کی تبدیلی کی پُر وقار تقریب منعقد ہوئی۔

تفصیلات کے مطابق یوم دفاع کے موقع پر مزار قائد پر گارڈز کے تبدیلی کی تقریب کا انعقاد ہوا جس کے مہمان خصوصی ایئر وائس مارشل غضنفر لطیف تھے۔

مہمان خصوصی ایئر وائس مارشل غنصفر لطیف نے اس موقع پر مزار قائد پر پھول چڑھائے۔

پاک بحریہ کے جوانوں نے پاک فضائیہ کے کیڈٹس کو گارڈز کی ذمہ داریاں سوپیں۔

مزار قائد پر پاک فضائیہ کے کیڈٹس نے گارڈز کے فرائض سنبھالے اور مہمان خصوصی کو سلامی پیش کی۔

ایئر وائس مارشل غضنفر لطیف نے مزار قائد پر تقریب کے شرکإ سے خطاب کرتے ہوئے کہا کہ یوم دفاع کے دن کی مناسبت سے آج ہم یہاں جمع ہوئے ہیں، ہمارے جوان ملکی دفاع کی خاطر اپنی جانوں کا نظرانہ دینے سے گریز نہیں کریں گے۔

غضنفر لطیف نے کہا کہ آج کا یہ دن غازیوں اور شہیدوں کے نام ہے، پاک فوج نے بحری اور فضائی نگرانی بھرپور ہمت اور جرت سے انجام دی ہے، ہم دشمن کے سامنے سیسہ پلائی دیوار بن کر کھڑے ہیں، حصول آزادی سے لے اب تک ہماری افواج ملک کی بقا کے خاطر اپنا کردار ادا کرتی رہی ہے۔

انہوں نے مزید کہا کہ علامہ اقبال نے اس ملک کا خواب دیکھا اور قائد اعظم نے خواب کو تکمیل تک پہنچایا، پاکستان قائم رہنے کے لیے بنایا ہے، کوئی بھی طاقت اسے مٹا نہیں سکتی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/230652/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/230652/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں