نگران وزیراعلیٰ پنجاب محسن نقوی نے کہا ہے کہ آئی انجکشن کے ڈیلرز کے خلاف کارروائی کررہے ہیں۔

محسن نقوی نے لاہور میں تقریب سے خطاب کرتے ہوئے کہا کہ آشوب چشم کی وبا پورے ملک میں پھیلی ہوئی ہے، متعلقہ انجکشن سپلائی کرنے والوں کے خلاف ایکشن ہورہا ہے۔

انہوں نے کہا کہ ڈرگ انسپکٹر کو بھی معطل کیا گیا ہے، نکاسی آب سے متعلق مختلف منصوبوں پر کام کیا جارہا ہے، ڈپلومیٹک انکلیو بھی تیار کیا جارہا ہے۔

نگران وزیراعلیٰ نے کہا کہ سی بی ڈی میں ہر بڑی کمپنی سرمایہ کاری کررہی ہے، فیروزپور روڈ پر مین ہائی وے کو ٹھیک کررہے ہیں، پاکستان کی ہر بڑی کمپنی اپنا پراجیکٹ لارہی ہے۔

محسن نقوی نے کہا کہ ملتان اور راولپنڈی میں بھی ترقیاتی منصوبے جاری ہیں، منصوبے سے فیروزپور روڈ پر ٹریفک کا دباؤ کم ہوگا۔

نگران وزیراعلیٰ پنجاب نے مزید کہا کہ تقریباً 3ماہ میں منصوبے مکمل ہوجائیں گے، لاہور کے مختلف علاقوں میں بہتری کے لیے کام جاری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/255935/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/255935/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔