سابق وزیر توانائی امتیاز شیخ نے کہا ہے کہ ریلوے منصوبے میں تاخیر سے ملکی معیشت کو شدید نقصان پہنچ رہا ہے۔

تفصیلات کے مطابق سابق وزیر توانائی امتیاز شیخ نے اپنے ایک بیان میں کہا کہ تھرکول پاکستان کی انرجی لاٸف لاٸن ہے، نگراں حکومت تھرکول منصوبے کو نظرانداز کررہی ہے، کئی اہم معاملات میں تاخیر ہونے سے ملکی و غیر ملکی کمپنیوں میں بے چینی پائی جارہی ہے۔

انہوں نے کہا کہ سندھ اینگرو کول ماٸننگ کمپنی اور چینی کمپنیاں تحفظات کا شکار ہیں، کول فیلڈ سے چھور تک 105 کلو میٹر ریلوے لاٸن تعطل کا شکار ہے، پیپلز پارٹی کی سندھ حکومت نے ریلوے منصوبے کی تمام پلاننگ مکمل کردی تھی، ریلوے منصوبے کے لیے پچاس فیصد رقم بھی مختص کردی گئی تھی، منصوبے کی تکمیل سے ملک کو کئی ملین ڈالرز کی بچت ہوگی۔

سابق وزیر توانائی امتیاز شیخ نے مزید کہا کہ ریلوے منصوبے میں تاخیر سے ملکی معیشت کو شدید نقصان پہنچ رہا ہے، نگراں وزیر اعلیٰ سندھ ریلوے منصوبے میں تاخیر اور سرمایہ کاروں کے تحفظات کا فوری نوٹس لیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/394872/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/394872/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔