اسلام آباد: نگران وزیر خزانہ ڈاکٹر شمشاد اختر سے گورنر سندھ کامران ٹیسوری کی ملاقات ہوئی ہے۔

تفصیلات کے مطابق نگران وزیر خزانہ اور گورنر سندھ کے درمیان ہونے والی ملاقات میں ملکی مجموعی معاشی صورتحال پر تبادلہ خیال کیا گیا۔

دوران ملاقات گورنر سندھ نے شمشاد اختر کو کراچی کے تاجروں کے مسائل کے حوالے سے آگاہ کیا۔

اس موقع پر نگران وزیر خزانہ نے گورنر سندھ کو کاروبار میں آسانیوں کیلئے اقدامات کی یقین دہانی کرائی۔

دوسری جانب ملک بھر میں دکانیں اور کاروبار مغرب کے وقت بند کرنے کی تجویز تیار کرلی گئی ہے، کاروبار جلدی بند کرنے کیلیئے موسم سرما کا ٹائم فریم مقرر کرنے کی تجویز کی گئی ہے۔

ذرائع کے مطابق یکم اکتوبر سے 15 فروری تک کاروبار بند کر کے بجلی کی بچت کی جا سکتی ہے۔

پاور ڈویژن کے ذرائع کا کہنا ہے کہ وفاقی حکومت نے تجاویز چاروں صوبوں کو بھجوا دی ہیں، صوبے متعلقہ چیمبرز کاروباری تنظیمیوں سے مشاورت کریں گے۔

واضح رہے کہ گزشتہ حکومت نے بھی دکانیں اور کاروبار جلد بند کرنے کا اعلان کیا تھا، تاہم پی ڈی ایم حکومت کاروبار جلدی بند کروانے پر عملدرآمد نہیں کروا سکی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/407020/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/407020/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں