کچے میں پولیس اور رینجرز نے آرمی کے ساتھ ملکر آپریشن کرنے کا فیصلہ کیا ہے۔

تفصیلات کے مطابق نگران وزیراعلیٰ سندھ جسٹس (ر) مقبول باقر کی زیر صدارت کابینہ کا اجلاس ہوا جس میں امن امان سے متعلق صوبے بھر کی صورتحال پر سندھ کابینہ کو انسپیکٹر جنرل پولیس نے بریفنگ دیتے ہوئے کہا کہ اس سال 2023ء میں 218 لوگ اغوا ہوئے جن میں سے 207 مغوی بازیاب ہوئے ہیں، اس وقت 11 لوگ ابھی تک یرغمال ہیں، 11 میں سے 3 لوگ شہید بینظیرآباد، 7 لاڑکانو اور ایک سکھر سے اغوا ہوئے ہیں، جب میں نے آئی جی پولیس کی حیثیت کا چارج سنبھالا تو 57 اغوا تھے اور اب 11 ہیں۔

بریفنگ میں بتایا گیا کہ مغویوں میں نوید لاشاری جیکب آباد، ساگر کمار گڑھی یاسین، قدیر، ظہیر، گلبھار اور شاہد کشمور سے اغوا ہوئے، جبار کو سکھر، سومار کو قاسم آباد، فرحان اور شاہد نوشہروفیروز سے اغوا ہیں۔

نگراں وزیراعلیٰ سندھ نے آئی جی پولیس کو ہدایت دیتے ہوئے کہا کہ مغویوں کو فوری طور پر بازیاب کروایا جائے، جو پولیس والے اچھی کارکردگی نہ کریں ان کو تبدیل کریں، 11 مغویوں سے متعلق مجھے رپورٹ کریں، گھوٹکی-کندھ کوٹ پل پر کام شروع کرنے کی ہدایت دی ہے، پل بن جائے تو علاقہ کھل جائے گا اور امن امان بہتر ہو جائے گا۔

سندھ کابینہ نے کچے میں پولیس اور رینجرز کا آرمی کے ساتھ آپریشن، اسٹریٹ کرائم کو کنٹرول، ڈرگ مافیا کے خلاف سخت آپریشن اور کراچی میں رینجرز کی تعیناتی 6 ماہ تک کرنے کا فیصلہ کر لیا۔

رینجرز کی تعیناتی 14 ستمبر 2023 تا فروری 2024 تک ہو گی۔

کابینہ اجلاس میں صوبائی وزراء، چیف سیکریٹری ڈاکٹر فخر عالم، آئی جی پولیس رفعت مختار، پرنسپل سیکریٹری حسن نقوی، ایڈووکیٹ جنرل، پروسیکیوٹر جنرل اور دیگر متعلقہ افسران شریک ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/09/431059/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/431059/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں