نگران وزیر خارجہ جلیل عباس جیلانی نے کہا ہے کہ پاکستان کے خطے اور عالمی سطح پر تعلقات مضبوط ہو رہے ہیں۔

تفصیلات کے مطابق  نگران وزیر اعظم انوار الحق کاکڑ کی زیر صدارت ایس آئی ایف سی ایپکس کمیٹی کا اجلاس ہوا ہے۔

اجلاس کے بعد نگران وزیر خارجہ جلیل عباس جیلانی نے میڈیا سے گفتگو کرتے ہوئے کہا کہ ایپکس کمیٹی اجلاس میں خارجہ امور پر غور کیا گیا، پاکستان کے مختلف ممالک کے ساتھ تعلقات کا جائزہ لیا گیا۔

جلیل عباس جیلانی نے کہا کہ پاکستان کے خطے اور عالمی سطح پر تعلقات مضبوط ہو رہے ہیں، امریکہ سے تعلقات میں بہت بہتری آ رہی ہے، امریکہ کے ساتھ پاکستان کی تجارت 11 ارب ڈالر تک پہنچ گئی ہے، سعودی عرب اور چین کے ساتھ پاکستان کے بہترین تعلقات ہیں۔

انہوں نے کہا کہ اجلاس میں “لک افریقہ” پالیسی پر بھی بریفنگ دی گئی ہے، افریقہ ایک بہت اہم بر صغیر کے طور پر ابھر رہا ہے۔

نگران وزیر خارجہ جلیل عباس جیلانی نے مزید کہا کہ ایس آئی ایف سی کا مقصد غیر ملکی سرمایہ کاری کی راہ میں حائل رکاوٹیں دور کرنا ہے، ایس آئی ایف سی غیر ملکی سرمایہ کاروں کے لیے ون ونڈو کی سہولت فراہم کر رہی ہے، کسی بھی ملک سے آنے والے سرمایہ کاروں کو طویل مدت کے ویزے جاری کرنے کا فیصلہ ہوا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/533476/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/533476/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں