نگران وزیر اعلیٰ پنجاب محسن نقوی نے گورنمنٹ سید مٹھا ٹیچنگ ہسپتال بھاٹی گیٹ کا دورہ کیا ہے۔

تفصیلات کے مطابق گورنمنٹ سید مٹھا ٹیچنگ ہسپتال میں آشوب چشم میں مبتلا عملہ آپریشن تھیٹر میں مریضوں کے علاج میں مصروف تھے، ایکسرے روم بند تھے، مشین خراب تھی، بعض وارڈ زمیں اے سی نان فنکشنل تھے، وارڈ ز کے باہرموجود الماریوں میں اوپن ریکارڈ روم خراب اور گندگی سے بھرا واٹر فلٹریشن پلانٹ تھا، وزیراعلیٰ محسن نقوی ہسپتال کی حالت زار دیکھ شدید برہم ہوگئے، ایم ایس کی سرزنش،ایم ایس کسی بھی سوال کا تسلی بخش جواب نہ دے سکے۔

  نگران وزیر اعلیٰ پنجاب نے ہسپتال کے معاملات کو 7 روز کے اندر بہتر بنانے کا حکم دیا اور سیکرٹری صحت کو بھی فوری طور پر سید مٹھا ٹیچنگ ہسپتال بلا لیا۔

وزیراعلیٰ پنجاب محسن نقوی نے ایمرجنسی،سٹیلائٹ فلٹر کلینک کارڈیالوجی، بچہ وارڈ، ایکسرے روم، سی سی یو، ڈائیلسسز وارڈ اور دیگر وارڈز کا معائنہ کیا۔

محسن نقوی نے مریضوں کی عیادت کی اور فراہم کردہ طبی سہولتوں اور مفت ادویات کے بارے استفسار کیا۔

وزیراعلیٰ پنجاب محسن نقوی نے بعض مریضوں کے علاج معالجے کے لئے ہسپتال انتظامیہ کو ہدایات دیں اور واٹر فلٹریشن پلانٹ کو جلد فنکشنل کرنے کاحکم

محسن نقوی نے ہسپتال کے 4 فلور دیکھے اور علاج معالجے کی سہولتوں کا تفصیلی جائزہ لیا۔

وزیراعلیٰ پنجاب محسن نقوی نے کہا کہ ہسپتال کے دورے کے دوران بہت سے ایشوز سامنے آئے ہیں جنہیں جلد درست کیا جائے گا، سیکرٹری صحت کو ہسپتال کی اپ گریڈیشن کے لئے ہدایات دے دی ہیں۔

اس موقع پر صوبائی وزراء اظفر علی ناصر،منصور قادر،بلال افضل اور ڈپٹی کمشنرلاہور بھی وزیراعلیٰ پنجاب محسن نقوی کے ہمراہ تھیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/545948/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/545948/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔