ٹھٹھہ میں ماہی گیروں کی وین اور ٹرک میں ہونے والے خوفناک تصادم میں 7 افراد زندگی کی بازی ہار گئے ہیں۔

تفصیلات کے مطابق یہ حادثہ ٹھٹہ میں کینجھر جھیل کے قریب پیش آیا جہاں ماہی گیروں کی وین اور ٹرک کے درمیان تصادم ہوا جس کے نتیجے میں 7 افراد جاں بحق ہوگئے ہیں۔

چلیا اور کینجھر جھیل کے درمیان قومی شاہراہ پر ماہی گیروں کو لے کر جانے والی وین مخالف سمت سے آنے والے ٹرک سے ٹکرا گئی جس کے نتیجے میں 4 افراد موقع پر جاں بحق ہوگئے۔

واقعے کے بعد زخمیوں کو فوری طور پر سول اسپتال مکلی منتقل کیا گیا جہاں اسپتال میں زخموں کی تاب نہ لاتے ہوئے ایک شخص دم توڑ گیا۔

وین کے مالک اور ایک اور شخص کو نازک حالت میں کراچی بھیجا گیا تاہم دونوں زخمیوں کو کراچی لے جانے والی ایمبولینس مہنگائی کے خلاف احتجاج میں گھگھر پھاٹک کے قریب پھنس گئی اور تاخیر سے اسپتال پہنچنے کے باعث دونوں زخمیوں نے بھی دم توڑ دیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/561474/amp/ کو لائک کریں۔