نگران وزیر اعظم انوار الحق کاکڑ نے روضہ رسول ﷺ پر حاضری دی اور درود و سلام پیش کیا۔

تفصیلات کے مطابق نگران وزیر اعظم انوارالحق کاکڑ جو اس وقت سعودی عرب کے دورے پر ہیں، انکو مسجد نبوی میں سیکیورٹی حصار میں روضہ رسول ﷺ لے جایا گیا جہاں انہوں نے روضہ رسول ﷺ پر حاضری دی اور نبی کریم صلی اللہ عليہ وآلہ وسلم کے حضور درود و سلام پڑھا۔

انوارالحق کاکڑ نے ریاض الجنہ میں نوافل ادا کیے اور ملک و قوم کی ترقی اور خوشحالی کے لئے خصوصی دعا کی۔

گزشتہ روز نگران وزیر اعظم انوار الحق کاکڑ نجی دورے پر مدینہ منورہ پہنچے تھے جہاں مدینہ کے گورنر فیصل بن سلمان نے انکا استقبال کیا تھا۔

مدینہ ایئرپورٹ کے شاہی ٹرمینل پر پاکستان کے سفیر احمد فاروق، پاکستانی سفارت خانے اور جدہ قونصلیٹ جنرل کے دیگر اعلیٰ افسران کے ساتھ نگران وزیر اعظم کا پرتپاک استقبال کیا گیا۔

ایئرپورٹ لاونج میں ہونے والی ملاقات میں نگران وزیراعظم انوارالحق کاکڑ اور گورنر مدینہ منورہ شہزادہ فیصل بن سلمان کے درمیان دو طرفہ تعلقات اور باہمی امور پر تبادلہ خیال ہوا۔

یاد رہے کہ نگران وزیراعظم انوار الحق کی سعودی عرب میں سعودی انتظامیہ سے ملاقاتیں متوقع ہیں۔

نگران وزیر اعظم کے دورہ سعودی عرب میں پاک سعودی عرب تعلقات کے فروغ، پاکستان میں سعودی سرمایہ کاری سمیت متعدد امور زیر غور آئیں گے۔

واضح رہے کہ نگران وزیر اعظم انوار الحق کاکڑ کا بطور وزیراعظم یہ پہلا دورہ سعودی عرب ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/566292/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/566292/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔