چیف آف آرمی اسٹاف جنرل سید عاصم منیر نے کہا ہے کہ عالمی امن کی بحالی میں اقوام متحدہ کا کردار لائق تحسین ہے۔

تفصیلات کے مطابق اقوام متحدہ کے امن مشن کے وزارتی اجلاس کی تیاریوں کا جائزہ لینے کیلئے اہم اجلاس منعقد ہوا جس میں آرمی چیف جنرل عاصم منیر نے اختتامی سیشن میں بحیثیت مہمان خصوصی شرکت کی۔

اجلاس میں مختلف ممالک کے مندوبین اوری واین کے اعلیٰ حکام بھی شریک تھے۔

اقوام متحدہ کے امن مشن کا جائزہ لینے کیلئے اجلاس
آرمی چیف کی اختتامی سیشن میں بحیثیت مہمان خصوصی شرکت
براہ راست دیکھیں:https://www.bolnews.com/urdu/pakistan/2023/09/620045/amp/ #BOLNews #ArmyChief pic.twitter.com/s5L184R8v3

Advertisement

— BOL Network (@BOLNETWORK) September 1, 2023

امن مشن کے تحفظ اور سیکیورٹی کے موضوع پر مشترکہ میزبانی پاکستان اور چین نے کی اور اس دوران آرمی چیف نے امن دستوں کو درپیش چیلنجز اور خطرات کو اجاگر کیا۔

اس موقع پر آرمی چیف نے خطاب کرتے ہوئے کہا کہ عالمی امن کی بحالی میں اقوام متحدہ کا کردار لائق تحسین ہے، امن مشن پر مامور جوانوں کے تحفظ کیلئے اقدامات کرنے ہوں گے اور سیکیورٹی کو یقینی بنانے کیلئے بھی مؤثر اقدامات کرنے ہوں گے۔

چیف آف آرمی اسٹاف عاصم منیر نے کہا کہ پاکستان ایسا خطہ چاہتا ہے جہاں امن، تجارت اور سرمایہ کاری ہو۔

انہوں نے مزید کہا کہ مسئلہ کشمیر سلامتی کونسل کی قراردادوں کے مطابق حل ہونا چاہیے، مسئلہ کشمیر کشمیریوں کی امنگوں کے مطابق حل کیا جائے، اقوام متحدہ مسئلہ کشمیرکے حل میں اپنا کردار ادا کرے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/620045/amp/ کو لائک کریں