وزیر اعلیٰ گلگت بلتستان حاجی گلبر خان نے کہا ہے کہ کسی کو بھی امن خراب کرنے کی اجازت نہیں دی جائے گی۔

تفصیلات کے مطابق فرقہ وارانہ کشیدگی پر وزیر اعلیٰ گلگت بلتستان حاجی گلبر خان نے نیوز کانفرنس کرتے ہوئے کہا کہ گلگت بلتستان میں حالات پرامن ہیں جلسے جلوس میں ایک پتہ بھی نہیں ٹوٹا ہے۔

انہوں نے کہا کہ دو مختلف مکاتب فکر کے علماء کے بیان کے وجہ سے گلگت بلتستان ماحول تھوڑا خراب ہوا تھا، بھارت نے اپنے ناپاک عزائم کی تکمیل کیلئے گلگت بلتستان کے حوالے سے منفی خبریں چلائی ہیں۔

ان کا کہنا تھا کہ گلگت بلتستان کے عوام محب وطن پاکستانی تھے اور رہے گے۔

  وزیر اعلیٰ گلگت بلتستان حاجی گلبر خان نے کہا کہ ملک سے رویت ہلال کمیٹی کی سربراہی میں جید علماء کرام کا وفد گلگت تشریف لاچکا ہے، گلگت آئے ہوئے علمائے کرام دونوں مکاتب فکر کے علماء کرام سے ملاقاتیں کریں گے، آئندہ چند روز میں علاقے کا امن اور بھائی چارے کی فضا دوبارہ بحال ہوگی۔

انہوں نے کہا کہ گلگت بلتستان میں ایک ہفتے کیلئے فور جی انٹرنیٹ سروس معطل کردی گئی ہے، دفعہ 144 نافذ ہے اجتماعات اور جلسے جلوس پر پابندی عائد کی گئی ہے۔

  وزیر اعلیٰ گلگت بلتستان حاجی گلبر خان نے مزید کہا کہ کسی کو بھی علاقے کا امن خراب کرنے کی اجازت نہیں دی جائے گی، سوشل میڈیا پر مذہبی منافرت پھیلانے والے ایک درجن کے قریب پولیس اہکار اور گورنمنٹ کے ملازمین کو معطل کردیا گیا ہے۔

اس موقع پر وزیر داخلہ شمس الحق لون نے کہا کہ ہم چاہتے ہیں کہ ملک سے آئے ہوئے علمائے کرام اس مسلے کو دونوں فریقین سے ملکر حل کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/621844/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/621844/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔