اسلام آباد کے متروکہ وقف املاک نے لال حویلی کو خالی کروانے کا فیصلہ کرلیا ہے۔

تفصیلات کے مطابق راجہ بازار اور بوہڑ بازار کی جائیدادوں کواپنی تحویل میں لینے کے لیے آپریشن کی حکمت عملی طے کرلی گئی ہے۔

اس حوالے سے اسلام آباد متروکہ وقف املاک نے وفاقی تحقیقاتی ادارے (ایف آئی اے) اینٹی کرپشن، اسٹبلشمنٹ اور پولیس سے فورس مانگ لی ہے۔

متروکہ وقف املاک کی جانب سے جاری نوٹیفکیشن میں لکھا گیا کہ ضلعی انتظامیہ بھی متروکہ وقف املاک کا قبضہ لینے کے لیے قانونی اور افرادی قوت مہیا کرے۔

نوٹیفکیشن کے مطابق پراپرٹی کو خالی کروانے کے لیے کل صبح 6 بجے آپریشن کیا جائے گا، بوہڑ بازار میں قائم دمدمہ مندر اور راجہ بازار کی لال حویلی متروکہ وقف املاک کی ملکیت ہے، سپریم کورٹ کی ہدایات پر دونوں جائیدادوں کو قبضہ مافیا سے خالی کروا کے تحویل میں لیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/642148/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/642148/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں