استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے کہا ہے کہ آزادی حاصل کرنا سکھ برادری کا بنیادی حق ہے۔

تفصیلات کے مطابق استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے بھارت کینیڈا تناؤ پر رد عمل دیتے ہوئے کہا کہ بھارتی میڈیا کی کینیڈا میں سرجیکل سٹرائیک کی دھمکی دینا جلتی پر تیل ڈالنے کے مترادف ہے، ایسے غیر ذمہ دارنہ بیانات سے عالمی امن خطرے سے دوچار ہو سکتا ہے، بھارت اس وقت پوری طرح اپنی بد دماغی کے نرغے میں آ چکا ہے، عاقبت نا اندیش موددی سرکار کو سمجھ نہیں آ رہی کہ ہٹ دھرمی کا نتیجہ نقص امن کے سوا کچھ نہیں ہے، بھارت کو اپنی غلطی تسلیم کرتے ہوئے  دنیا سے معافی مانگنی چاہیے۔

انہوں نے کہا کہ بھارت میں مقیم سکھ  برادری کو اس ساری صورتحال سے سبق سیکھنا چاہئے، سکھ برادری کو اپنے مذموم مقاصد کے لئے استعمال کرنے والا بھارت اب اسی سکھ برادری کے خلاف ہے، آزادی حاصل کرنا سکھ برادری کا بنیادی حق ہے جسے نظر انداز نہیں کیا جا سکتا، ہندواتوا کا نعرہ لگانے والا بھارت انسانی حقوق کا سبق بھول چکا ہے۔

استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے مزید کہا کہ مودی سوچ شدت پسند بھارت کا اصل چہرہ ہے جو بے نقاب ہو چکا ہے، پاکستان میں بزدلانا کارروائیوں کے بعد اب بھارت نے “شہر” یعنی کینیڈا کا رخ کیا ہے، بزدل بھارت کو پاک فوج کے ہاتھوں ہر بار کی ہزیمت نے باولا کر دیا ہے، آج بھی بھارت پاک فوج کے ہاتھوں کھائے زخم چاٹ رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/652541/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/652541/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔