نئے ایڈیشنل آئی جی کراچی خادم حسین رند نے صوبائی الیکشن کمیشن سندھ کے دفتر کا دورہ کیا ہے۔

تفصیلات کے مطابق نئے ایڈیشنل آئی جی کراچی خادم حسین رند نے صوبائی الیکشن کمشنر سندھ اعجاز انور چوہان سے ملاقات کی۔

ملاقات میں آئندہ عام انتخابات کے انعقاد کے لیے پولیس کی تعیناتی کے پلان اور دیگر متعلقہ امور پر تبادلہ خیال کیا گیا۔

صوبائی الیکشن کمشنر نے الیکشن کمیشن کی ہدایات اور ضابطہ اخلاق کے نفاذ پر توجہ دی۔

سی سی پی او کراچی نے انتخابات کے آزادانہ، منصفانہ اور شفاف انعقاد کو یقینی بنانے کے لیے صوبائی پولیس کے مکمل تعاون کی یقین دہانی کرائی۔

واضح رہے کہ ایڈیشنل آئی جی کراچی خادم حسین رند نے عہدہ سنبھالتے ہی کراچی پولیس کے تمام سینئیر اور جونئیر افسران سے پولیس ہیڈ کوارٹر گارڈن میں خطاب کیا تھا۔

ایڈیشنل آئی جی کراچی خادم حسین رند نے افسران سے خطاب کرتے ہوئے کہا کہ پولیس ہیڈ کوارٹر میں نفری کی دستیابی کو یقینی بنایا جائے۔

ایڈیشنل آئی جی کراچی نے ایس پیز و ڈویژنل ایس ڈی پی اوز کو چین آف کمانڈ کے تحت اپنے اخییارات کو استعمال کرنے جبکہ ایس ایچ اوز کی میرٹ پر تعیناتی اور زیرو ٹولرینس کی ہدایت کی۔

خادم حسین رند نے شعبہ تفتیش اور آپریشن کو مشترکہ طور پر مقدمات کے اندراج سے لیکر ملزمان کی گرفتاری اور عدالتوں سے سزائیں دلوانے تک ہر طرح کا تعاون کرنے کا حکم دیا اور کہا کہ عوام کیساتھ پولیس کے مثبت رویے اور باہمی تعاون کو بڑھانے کیلئے روزانہ کی بنیاد پر ایس ایچ اوز کو دن میں دو گھنٹے عوام سے ملاقات یقینی بنائیں۔

ایڈیشنل آئی جی کراچی نے تھانوں میں تعینات ایس ایچ اوز ترجیحی بنیادوں پر اسٹریٹ کرائم پر قابو پانے کیلئے مناسب حکمت عملی ترتیب دینے کی ہدایات کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/656899/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/656899/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں