پاکستان تحریک انصاف پارلیمنٹرین کے سبربراہ پرویز خٹک نے کہا ہے کہ جب تک نئی حلقہ بندیاں نہیں ہوں گی انتخابات ممکن نہیں ہیں۔

تفصیلات کے مطابق پاکستان تحریک انصاف پارلیمنٹیرین کے سبربراہ پرویز خٹک نے صدر مملکت عارف علوی کے الیکشن کمیشن کے خط پر ردعمل دیتے ہوئے کہا کہ پاکستان کے آئین کے مطابق مردم شماری کا نوٹیفکیشن ہونے کے بعد نئی حلقہ بندیاں ضروری ہیں، جب تک نئی حلقہ بندیاں نہیں ہوں گی انتخابات ممکن نہیں۔

انہوں نے کہا کہ صدر عارف علوی کا انتخابات کی تاریخ دینا مزید آئینی بحران پیدا کرنے کے مترادف ہے، عارف علوی نے اپنے اختیارات سے تجاوز کیا ہے، انتخابات کی تاریخ دینا الیکشن کمیشن کا کام ہے، ہم آئین کو سپورٹ کرتے ہیں، الیکشن کمیشن انتخابات نئی حلقہ بندیوں کے مطابق کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/692696/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/692696/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں