اسپیکر قومی اسمبلی راجہ پرویز اشرف نے کہا ہے کہ ملک کا ثقافتی تنوع ہماری پہچان ہے۔

تفصیلات کے مطابق اسپیکر قومی اسمبلی راجہ پرویز اشرف نے پشتون کلچر ڈے کے موقع پر پیغام جاری کرتے ہوئے پشتون قوم کو مبارکباد دی۔

اسپیکر قومی اسمبلی راجہ پرویز اشرف نے کہا کہ پشتون قوم کی روایات قابل فخر ہیں، ثقافت کسی بھی معاشرے کی پہچان ہوتی ہے، پاکستان مختلف ثقافتوں کا گلدستہ ہے۔

انہوں نے کہا کہ پشتون قوم بہادر، ملنسار، مہمان نواز اور حریت پسند قوم ہے، ملک کا ثقافتی تنوع ہماری معاشرتی خوبصورتی اور پہچان ہے، پشتون کلچر پاکستان کے تقافتی گلدستے کے ایک خوبصورت پھول کی حیثیت رکھتا ہے، پشتون ایک نڈر قوم ہے، ملک کی خاطر پشتونوں کی قربانیوں کو کبھی فراموش نہیں کیا جا سکتا۔

ان کا کہنا تھا کہ پاکستان میں بسنے والی قوموں کی تہذیب و تمدن کو دنیا بھر میں احترام کی نظر سے دیکھا جاتا ہے، پشتون ثقافت میں محبت، احترام، ہم آہنگی اور رواداری کا درس ملتا ہے، ثقافت ہر علاقے کی پہچان کو اجاگر کرنے میں کلیدی اہمیت کی حامل ہے، ثقافت کے فروغ کے لیے ثقافتی اقدار کو اجاگر کرنا ضروری ہے۔

اسپیکر قومی اسمبلی راجہ پرویز اشرف نے مزید کہا کہ پاکستان کی تمام علاقائی ثقافتیں دنیا میں منفرد مقام رکھتی ہیں، بقائے باہمی کے فروغ کیلئے ملک میں بسنے والی تمام قومیتوں کے اہم دنوں کو منانا ضروری ہے، پاکستان میں بسنے والی تمام قومیں قومی جذبے کے ساتھ پاکستان کی ترقی اور خوشحالی میں اپنا کردار ادا کر رہی ہیں، قومی سطح پر ثقافتوں کو اجاگر کر کہ ہی قومی یکجہتی کو فروغ دیا جا سکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/713340/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/713340/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔