کراچی: سندھ میں بجلی چوروں کے خلاف بڑے کریک ڈاون کا فیصلہ کیا گیا ہے۔

ترجمان پولیس کے مطابق سندھ پولیس نے تمام تھانوں میں بجلی چوروں کے خلاف ایکشن لینے کی ہدایت کردی ہے۔

سندھ پولیس کے ترجمان نے بتایا کہ وفاقی وزرات توانائی نے ملک میں بجلی چوروں کے خلاف کارروائی کے احکامات جاری کیے ہیں، وفاق نے سندھ بھر کے تھانوں کو احکامات جاری کردیے گئے ہیں۔

ترجمان کا کہنا تھا کہ مقامی پولیس علاقے کی بجلی کی تقسیم کی کمپنی سے رابطے میں رہے گی، بجلی چوروں کے خلاف مقدمے کا اندراج اور گرفتاری پر معاونت فراہم کی جائے گی۔

ترجمان سندھ پولیس نے بتایا کہ بجلی چوروں کے خلاف کارروائی کی ہفتہ وار رپورٹ آئی جی سندھ کو بھیجی جائے گی اور ملوث افراد کو بجلی چوری ایکٹ کے تحت گرفتار کیا جائے گا۔

وفاقی وزرات توانائی کی جانب سے جاری خط کے متن میں مزید کہا گیا کہ کراچی بجلی چوری میں ملوث ملزمان کو گرفتار کر کے کڑی سزا دلوائی جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/723920/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/723920/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں