اسلام آباد: گیلپ کے جولائی میں کرائے گئے سروے کے مطابق پاکستان میں دیگر تمام اداروں کے مقابلے میں فوج کی مقبولیت سب سے زیادہ 88 فیصد رہی۔

یہ سروے گیلپ پاکستان نے ایک سیاسی تنظیم کیلئے کرایا تھا، جس سے معلوم ہوتا ہے کہ عوام کو میڈیا اور عدالتوں پر 56 فیصد تک بھروسہ ہے۔

گیلپ سروے رپورٹ میں بتایا گیا ہے کہ پاکستانی عوام کا سیاست دانوں پر صرف 39 فیصد، پارلیمنٹ پر 47 فیصد، الیکشن کمیشن 42 فیصد، پولیس پر 54 فیصد تک بھروسہ ہے۔

سروے کے مطابق سیاستدانوں مقبولیت میں دیکھیں تو چیئرمین پی ٹی آئی کی مقبولیت 60 فیصد ہے جبکہ سعد رضوی اور پرویز الہیٰ دونوں کی مقبولیت 38 فیصد ہے۔

 اس کے علاوہ شاہ محمود قریشی 37 فیصد، نواز شریف 36 فیصد، شہباز شریف 35 فیصد، مریم نواز 30 فیصد، شاہد خاقان عباسی اور دیگر کی مقبولیت 28 فیصد تک رہی۔

سروے میں سوال پوچھا گیا کہ اگر قومی اسمبلی کے انتخابات اگلے ہفتے ہوتے ہیں تو آپ کس پارٹی کو ووٹ دیں گے؟ بتایا گیا کہ پنجاب میں 41 فیصد نے پی ٹی آئی، 28 فیصد پی ایم ایل این، 4 فیصد پیپلز پارٹی، 6 فیصد ٹی ایل پی کو ووٹ دیں گے۔

سروے کے مطابق سندھ کے 35 فیصد جواب دہندگان اگر اگلے ہفتے انتخابات ہوتے ہیں تو پیپلز پارٹی کو ووٹ دیں گے۔ اندرون سندھ پیپلز پارٹی کا ووٹ بینک برقرار ہے۔ پیپلز پارٹی کو بلوچستان میں بھی حمایت حاصل ہے۔

سیاست میں فوج کے کردار کے بارے میں پوچھے گئے ایک سوال کے جواب میں 32 فیصد نے کہا کہ فوج کا بڑا کردار ہونا چاہیے، 32 فیصد نے کچھ کردار کی منظوری دی جبکہ 5 فیصد نے اس سوال کا جواب نہیں دیا۔

دلچسپ بات یہ ہے کہ پی ایم ایل این کے 43 فیصد ووٹروں کا خیال ہے کہ ملکی سیاست میں فوج کا بڑا کردار ہونا چاہیے جبکہ پی ٹی آئی اور پی پی پی کے 26 فیصد ووٹروں کا بھی یہی خیال ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/758855/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/758855/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔