پشاور کے علاقے ورسک روڈ پر بم دھماکا ہوا ہے جس کے نتیجے میں ایک سیکیورٹی اہلکار شہید ہوگیا ہے ۔

پولیس کے مطابق دھماکا پرائم اسپتال کے قریب ایف سی کی گاڑی کے نزدیک ہوا ہے۔

ترجمان ریسکیو نے بتایا کہ ریسکیو 1122 کی ٹیمیں جائے حادثہ کی جانب روانہ کردی گئی ہیں۔

ترجمان کا کہنا ہے کہ 7 ایف سی اہلکار سمیت 11 افراد کے زخمی ہونے کی اطلاعات ہیں جبکہ ریسکیو نے زخمیوں کو ابتدائی طبی امداد فراہم کرتے ہوئے اسپتال منتقل کردیا ہے۔

اس حوالے سے ایس پی ورسک ڈویژن محمد ارشد خان نے بتایا کہ ابتدائی تفصیلات کے مطابق تھانہ مچنی گیٹ کی حدود ورسک روڈ رنگ روڈ پرائم اسپتال کے قریب بم دھماکہ ہوا جس کی وجہ سے فرنٹیئر کور کے 5 اہلکار اور سول 3 زخمی ہوگئے ہیں۔

انہوں نے کہا کہ ظاہری طور پر دھماکہ آیی ای ڈی لگ رہا ہے، دھماکے کی نوعیت بی ڈی یو رپورٹ سے کلیر کیا جائے گا، واقعے کے حوالے سے مزید تفتیش جاری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/790188/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/790188/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں