کراچی: ترکی اور سندھ حکومت کے درمیان زراعت میں مل کر کام کرنے پر اتفاق ہوا ہے۔

تفصیلات کے مطابق نگران وزیراعلیٰ سندھ جسٹس (ر) مقبول باقر سے ترکی کے قونصل جنرل کیمل سانگو کی ملاقات ہوئے جس میں دو طرفہ تعلقات اور سرمایہ کاری پر بات چیت کی گئی۔

دوران ملاقات مقبول باقر نے گفتگو کرتے ہوئے کہا کہ ترکی کے ساتھ بہت مضبوط تعلق ہے، سندھ کی عوام ترکی کو عزت، محبت اور احترام سے دیکھتی ہے۔

قونصل جنرل ترکی نے کہا کہ ترکی کے سرمایہ کار سندھ میں سولر اور ونڈ انرجی کے منصوبوں میں کام کرنا چاہتے ہیں، جس پر نگران وزیراعلیٰ سندھ نے کہا کہ ترکی کا پہلا سولر پروجیکٹ سندھ میں لگا ہے۔

علی فوات ایرکرٹ نے کہا کہ ترکی کی بسیں پورے یورپ میں چل رہی ہیں، ترکی سندھ میں پبلک ٹرانسپورٹ میں کام کرنا چاہتا ہے۔

ترکی کے قونصل جنرل نے مزید کہا کہ ترکی سندھ میں تعلیم کے فروغ کیلئے کام کر رہا ہے، جس پر مقبول باقر نے کہا کہ سندھ حکومت تعلیم کی ترقی کے لئے ترکی کے ساتھ بھرپور تعاون کرے گی۔

واضح رہے کہ ملاقات میں پرنسپل سیکریٹری آغا واصف، وائس قونصل جنرل ترکی علی فوات ایرکرٹ بھی شریک تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/845772/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/845772/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں