چیئرمین سینیٹ محمد صادق سنجرانی نے کہا ہے کہ نوجوان نسل کو بااختیار بنانا ہمار ا عزم ہے۔

تفصیلات کے مطابق عالمی یوم جمہوریت کے موقع پر اپنے پیغا م میں چیئرمین سینیٹ محمد صادق سنجرانی نے کہا کہ آج دنیا بھر میں یوم جمہوریت منا یا جا رہا ہے، اس سال جمہوریت کے عالمی دن کے حوالے سے موضوع”اگلی نسل کو بااختیار بنانا“ہے جو کہ جمہوریت کو آگے بڑھانے میں نوجوانوں کے اہم کردار پر توجہ مرکوز کرتا ہے۔

صادق سنجرانی نے کہا کہ پاکستان میں ایک متحرک جمہوریت ہے، اور اس کی سب سے نمایاں طاقت نوجوان آبادی ہے۔ نوجوان ہماری قوم کا سب سے بڑا اثاثہ اور امید کا ذریعہ ہیں لہذا اس بات پر غور کرنا بہت ضروری ہے کہ ہم قانون سازی کے عمل میں اپنی نوجوان نسل کی خواہشات کی فعال شمولیت کو کس طرح یقینی بنا رہے ہیں۔

انہوں نے یہ بھی کہا کہ پاکستان نے نوجوان رہنماؤں کو آگے بڑھنے اور قومی ترقی میں بڑھ چڑھ کر حصہ لینے کے لئے متعدد یوتھ فورمز اور پلیٹ فارمز قائم کئے ہیں جہاں پاکستانی نوجوان اپنی توانائیاں استعمال کرتے ہوئے تعمیری کردار ادا کر رہے ہیں۔

ان کا کہنا تھا کہ نوجوان نسل کو بااختیار بنانا ہمار ا عزم ہے، اس بات کو یقینی بناتے ہوئے کہ وہ نہ صرف کل کے رہنما ہیں بلکہ آج کے فیصلوں کی تشکیل میں فعال حصہ دار ہیں۔

صادق سنجرانی کا یہ بھی کہنا تھا کہ جمہوریت کے ساتھ ہماری وابستگی کا مطلب اس عزم کا اظہار ہے کہ نوجوانوں کی آواز کو نہ صرف تسلیم کیا جائے بلکہ قانون سازی کے عمل میں بھی انہیں شامل کیا جائے۔

چیئرمین سینیٹ محمد صادق سنجرانی کا مزید کہنا تھا کہ جمہوریت اور جمہوری روایات کو اپنانے سے معاشرے میں برداشت، رواداری، اور پر امن بقائے باہمی فروغ پاتے ہیں اور یہی آج کی ضرورت ہے تاکہ ہم یکجا ہو کر پاکستان کی ترقی وخوشحالی میں اپنا کردار ادا کر سکیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/864847/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/864847/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں