پنجاب حکومت نے چینی اسکینڈل میں ملوث 13 بڑے ڈیلرز کے نام ایف آئی اے کے حوالے کر دیے ہیں۔

ذرائع محکمہ خوراک پنجاب نے بتایا کہ لاہوریہ ڈیلرز شوگر ملز کے نمائندے ہیں، مالکان سے ملکر چینی 90 سے 180 روپے کلو تک لے گئے اور کارٹل بنا کر اربوں روپے منافع کمایا گیا۔

ذرائع کے مطابق ایف آئی اے اور دیگر ایجنسیاں کئی روز بعد بھی کسی ڈیلر کو گرفتار نہ کر سکیں، لاہور سے ڈیلر ماجد ملک اور خوشاب سے نعمان قریشی کا نام ایف آئی اے کو دیا گیا ہے جبکہ خوشاب سے ڈیلر ساجد اور توثیق کا نام بھی ایف آئی اے کو دیا گیا ہے۔

اس کے علاوہ سرگودھا سے ڈیلر فاروق خان اور قصور سے ملک عطیم کا نام ایف آئی اے کو دیا گیا ہے جبکہ کراچی سے ڈیلر طلحہ کپور اور جمال مصطفیٰ کا نام دیا گیا ہے۔

محکمہ خوراک کے ذرائع کا کہنا ہے کہ چشتیاں سے ڈیلر اویس بلال، فیصل آباد سے عمران، میر پور سے وقاص، لاہور سے اشرف اور ملتان سے ڈیلر ارشد کا نام ایف آئی اے کو دیا گیا ہے۔

ذرائع نے بتایا کہ یہ ڈیلرز اپنے گھروں اور دفاتر سے غائب ہو چکے ہیں، پنجاب حکومت نے ان ڈیلرز کی تفصیلات وفاقی حکومت اور ایف آئی اے کو بھجوا دی ہیں۔

خیال رہے کہ ایف آئی اے نے مقدمات درج کر کے کارروائی کا آغاز کر دیا ہے، ڈیلرز کے ہاتھ آنے پر شوگر ملز مالکان بھی پکڑے جا سکتے ہیں اور چینی کی اسمگلنگ کا ڈیٹا بھی انہی ڈیلرز سے ملے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/931664/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/09/931664/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں