اسلام آباد کے ریڈ زون میں واقع وزارت خارجہ کی عمارت میں لگنے والی آگ پر قابو پالیا گیا ہے۔

تفصیلات کے مطابق ترجمان دفتر خارجہ ممتاز زہرا بلوچ کا کہنا ہے کہ آتشزدگی سے دفتر خارجہ کے ریکارڈ کو کوئی نقصان نہیں پہنچا۔

فائر بریگیڈ کی ٹیمیں موقع پر پہنچیں، فائر بریگیڈ اور ایم سی آئی کی ٹیموں نےآگ پر قابو پایا۔

ممتاز زہرا بلوچ نے کہا کہ سی ڈی اے کے عملے کے ایک پرانے ایئر کنڈیشننگ پلانٹ کو ختم کرنے کے دوران استعمال ہونے والے آلات میں شارٹ سرکٹ کے باعث ایک چھوٹی سی آگ بھڑک اٹھی تھی، آتشزدگی سے دفتر خارجہ کے ریکارڈ کو کوئی نقصان نہیں پہنچا۔

ترجمان دفتر خارجہ ممتاز زہرا بلوچ نے مزید کہا کہ آگ وزارت خارجہ کی مرکزی عمارت سے باہر لگی، اس وجہ سے کسی ریکارڈ یا انفرا اسٹرکچر کو کوئی نقصان نہیں پہنچا ہے اور دفترخارجہ کا مزید کہنا ہے کہ کسی قسم کی کوئی جانی نقصان کی اطلاع بھی موصول نہیں ہوئی ہے۔