بشری بی بی نے چیئرمین پی ٹی آئی سے اڈیالہ جیل میں ملاقات کی ہے۔

جیل حکام کے مطابق چیئرمین پی ٹی آئی کی بہنیں بھی بشری بی بی کے ہمراہ تھیں،چیئرمین پی ٹی آئی سے ملاقات اڈیالہ جیل کی کانفرنس روم میں کروائی گئی۔

جیل حکام  کا کہنا ہےکہ بشری بی بی نے چیئرمین پی ٹی آئی سے خیریت اور سہولیات کے بارے میں دریافت کیا۔

دوسری جانب  چیئرمین پی ٹی آئی کی جیل میں سیکورٹی اور تحفظ کی درخواست جلد سماعت کے لیے مقرر کرنے کیلئے بشری بی بی کا ایک بار پھر اسلام آباد ہائی کورٹ سے رجوع کر لیا ہے۔

درخواست  میں کہا گیا کہ چیئرمین پی ٹی آئی کی جیل میں سیکورٹی اور تحفظ کے لیے اقدامات نہیں کیے گئے۔خدشہ ہے کہ شوہر کو جیل میں زہر دیا جا سکتا ہے،میرے شوہر کو جیل میں گھر کا کھانا فراہم کرنے کی اجازت نہیں دی جا رہی۔

درخواست میں کہا گیا کہ اڈیالہ جیل میں قیدیوں کی زیادہ تعداد کے باعث چیئرمین پی ٹی آئی کی نقل و حرکت بھی محدود ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/10/117121/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/10/117121/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں