نگراں وزیرِ خزانہ ڈاکٹر شمشاد اختر نے مراکش میں آئی ایم ایف کی مینیجنگ ڈائریکٹر کرسٹالینا جارجیوا سے ملاقات کی ہے۔

وزارت خزانہ کے مطابق شمشاد اختر اور کرسٹالینا جارجیوا کی ملاقات آئی ایم ایف اور عالمی بینک کی سالانہ میٹنگز کی سائیڈ لائن پر ہوئی ہے۔

ملاقات میں عالمی اقتصادی استحکام اور مالیاتی اصلاحات سے امور پر بات چیت ہوئی، مالیاتی اصلاحات سے متعلق پاکستان کی کوششوں پر تبادلہ خیال کیا گیا اور فریقین نے معیشت کو مضبوط بنانے اور عالمی تعاون کو فروغ دینے کے مشترکہ عزم کا اظہار بھی کیا۔

نگراں وزیر خزانہ شمشاد اختر کی یو اے ای کے وزیر مملکت سے ملاقات

نگران وفاقی وزیر برائے خزانہ، محصولات، اور اقتصادی امور ڈاکٹر شمشاد اختر نے عالمی بینک، آئی ایم ایف کے سالانہ اجلاس کے موقع پر متحدہ عرب امارات کے وزیر مملکت برائے مالیاتی امور محمد بن ہادی الحسینی سے ملاقات کی ہے۔

وزارت خزانہ کی جانب سے جاری بیان کے مطابق ملاقات میں پاکستان اور متحدہ عرب امارات کے درمیان اقتصادی تعلقات کو مضبوط بنانے کے حوالے سے گفتگو کی گئی۔

ملاقات میں مالی امور اور محصولات کے معاملات میں تعاون بڑھانے کے مواقع پر تبادلہ خیال کیا گیا جبکہ سرمایہ کاری کو فروغ دینے اور باہمی اقتصادی ترقی کے مواقع تلاش کرنے پر توجہ مرکوز کرنے کے حوالہ سے بھی بات چیت کی گئی۔

ملاقات میں دونوں فریقین نے مزید تعاون کے امکانات کے بارے میں مثبت پیشرفت کے عزم کا اظہار کیا جبکہ دونوں ممالک نے اقتصادی مفادات کو آگے بڑھانے کے لیے مل کر کام جاری رکھنے پر بھی اتفاق کیا۔

نگراں وزیر خزانہ ڈاکٹر شمشاد اختر کی موڈیز کے وفد سے ملاقات

نگران وزیر خزانہ نے معاشی ٹیم کے ہمراہ ایس اینڈ پی گلوبل کے نمائندوں سے بھی ملاقات کی۔

اس موقع پر شمشاد اختر نے گفتگو کرتے ہوتے کہا کہ پاکستان معاشی اصلاحات کے اقدامات کر رہا ہے۔

انہوں نے کہا کہ پائیدار معاشی ترقی کی کوشش کی جا رہی ہے، غیر ملکی سرمایہ کاروں کے اعتماد کو بڑھا رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/168816/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/168816/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں