نگران وزیراعلیٰ بلوچستان میر علی مردان خان ڈومکی نے کہا ہے کہ بلوچستان میں امن و امان کا قیام ہماری ترجیحات میں شامل ہے۔

تفصیلات کے مطابق گورنر سندھ کامران خان ٹیسوری کی وزیراعلیٰ سیکریٹریٹ کوئٹہ آمد ہوئی جہاں گورنر سندھ کامران خان ٹیسوری کی نگران وزیراعلیٰ بلوچستان میر علی مردان خان ڈومکی سے ملاقات ہوئی۔

گورنر سندھ کامران خان ٹیسوری نے نگران وزیراعلیٰ بلوچستان میر علی مردان خان ڈومکی کو منصب سنبھالنے پر مبارکباد دی۔

ملاقات میں سندھ و بلوچستان کے مابین تجارتی و سماجی معاملات سمیت باہمی دلچسپی کے امور پر تبادلہ خیال کیا گیا۔

نگران وزیراعلیٰ بلوچستان میر علی مردان خان ڈومکی نے کہا کہ بلوچستان میں امن و امان کا قیام ہماری ترجیحات میں شامل ہے، نگران صوبائی حکومت صوبے میں پائیدار قیام امن اورصاف وشفاف انتخابات کے انعقاد کے لئے پرعزم ہے۔

نگران وزیراعلیٰ بلوچستان میر علی مردان خان ڈومکی نے گورنر سندھ کامران خان ٹیسوری سے بات چیت کرتے ہوئے کہا کہ نگران صوبائی حکومت عوام کو تعلیم ، صحت اور دیگر بنیادی ضروریات فراہم کرنے کے لئے کوشاں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/180975/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/10/180975/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں