نگراں صوبائی وزیر اطلاعات بلوچستان جان اچکزئی نے کہا ہے کہ غیر قانونی طور پر مقیم غیر ملکیوں کی ڈیڈ لائن میں 3 دن باقی ہیں۔

تفصیلات کے مطابق نگراں صوبائی وزیر اطلاعات بلوچستان جان اچکزئی نے اپنے ایک بیان میں کہا کہ غیر قانونی غیر ملکیوں کیلئے بنائے گئے اسپیشل ہولڈنگ سینٹرز میں تمام تر انتظامات آخری مراحل میں ہیں، اسپیشل ہولڈنگ سینٹرز میں بنیادی سہولیات کی فراہمی یقینی بنائی جا رہی ہے، پینے کا پانی، اشیاء خوردونوش و دیگر ضروری انتظامات یقینی بنائے جا رہے ہیں، غیر قانونی غیر ملکیوں کو ملک بدر کرنے کے ریاستی فیصلے پر من و عن عملدرآمد یقینی بنایا جائے گا، غیر قانونی غیر ملکیوں کو دی گئی ڈیڈ لائن پوری ہونے میں صرف تین دن باقی ہیں۔

انہوں نے کہا کہ ڈیڈ لائن میں توسیع کا کوئی فیصلہ نہیں کیا گیا، حتمی ڈیڈ لائن پوری ہونے کے بعد تمام تر متعلقہ ادارے غیر قانونی تارکین کو نکالنے پر اپنا کردار ادا کریں گے، مختلف ممالک کے غیر قانونی افراد کو ہر صورت پاکستان سے نکلنا ہوگا۔

ان کا کہنا تھا کہ ڈیڈ لائن پوری ہونے کے بعد ان کی پراپرٹی ضبط کی جائے گی، غیر قانونی غیر ملکیوں کو رہائش کرائے پر دینے والے افراد کو بھی احکامات دیئے گئی ہیں۔

نگراں صوبائی وزیر اطلاعات بلوچستان جان اچکزئی نے مزید کہا کہ اپنی جگہ جلد از جلد خالی کروا لیں بصورت دیگر ان کے خلاف بھی کارروائی عمل میں لائی جائے گی، غیر قانونی طور پر اور جعلی شناختی کارڈز بنانے والوں کے خلاف بھی کاروائی کی جا رہی ہیں، اس حوالے سے متعلقہ اداروں میں ڈیٹا اکٹھا کر لیا ہے، غیر قانونی اقدامات کرنے والوں کو آہنی ہاتھوں سے نمٹا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/280188/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/280188/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں