نیشنل ایکشن پلان کے حوالے سے ایپکس کمیٹی کا اہم اجلاس ہوا جس میں ملک میں غیرقانونی طور پر مقیم غیرملکیوں کیخلاف کارروائی کا فیصلہ کیا گیا جس کے فوری بعد کراچی سے 15 غیرملکیوں کو گرفتار کر لیا گیا ہے۔

تفصیلات کے مطابق نگران وزیراعظم انوارالحق کاکڑ کی زیر صدارت ایپکس کمیٹی کا اجلاس ہوا جس میں ملکی سیکیورٹی صورتحال پر مشاورت اور اہم فیصلے ہوئے۔

اجلاس میں ملک بھر میں امن و امان کی مجموعی صورتحال، دہشتگردی کے واقعات کی تحقیقات، اسمگلنگ کی روک تھام اور دیگر معاملات زیر بحث رہے۔

کمیٹی نے نیشنل ایکشن پلان کی پیش رفت کا جائزہ لیا امن دشمنوں کے خلاف کارروائیاں جاری رکھنے پر اتفاق کیا اور ملک بھر میں جاری اسمگلنگ اور زخیرہ اندوزوں کے خلاف کارروائیوں پر اطمینان کا اظہار کیا۔

کمیٹی نے اسمگلنگ میں ملوث سرکاری عملہ کے ملوث ہونے پر اظہار تشویش کرتے ہوئے گندے دھندے میں ملوث سیاسی اور حکومتی افراد کے گرد گھیرا تنگ کرنے پر اتفاق کیا۔

کمیٹی نے اس موقع پر اسمگلنگ کی روک تھام کے لئے افغان ٹرانزٹ ٹریڈ کی مکمل مانیٹرنگ کا فیصلہ کیا۔

اس موقع پر نیشنل ایکشن پلان کے تحت غیرقانونی غیرملکیوں کے بارے میں اہم فیصلے ہوئے، پاکستان میں غیرقانونی طور پر مقیم تمام غیر ملکیوں کو ملک بدر کرنے کا حتمی فیصلہ کر لیا گیا، تمام غیرقانونی متوقع ڈیڈ لائن تک تمام اثاثے فروخت کرنے اور اپنے وطن واپسی کے پابند ہوں گے۔

فیصلے کے مطابق ڈیڈ لائن ختم ہونے پر غیر ملکیوں کو ملک بدر، افغان شہری قانونی طور پر اجراء کردہ ڈیجیٹائزڈ “ای-تزکیرہ” پر ہی پاکستان کا سفر کر سکیں گے، ملک میں صرف “پروف آف رجسٹریشن” کے حامل افغان مہاجرین سکونت کے اہل ہوں گے۔

فیصلے کے مطابق باقاعدہ قانونی ویزا کے حامل افغان شہری بھی پاکستان کا سفر کرنے کے اہل ہوں گے، پاکستان میں مقیم تمام غیرقانونی افغان مہاجرین، شہریوں کو بھی ممکنہ ڈیڈ لائن تک اپنے ملک واپس جانا ہو گا۔

واضح رہے کہ قومی ایپکس کمیٹی کے اجلاس سے قبل آرمی چیف جنرل عاصم منیر کی نگران وزیر اعظم انوارالحق کاکڑ سے اہم ملاقات ہوئی جس کے دوران ملکی قومی و داخلی سلامتی کے امور پر تفصیلی تبادلہ خیال ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/335825/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/335825/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں