اسلام آباد: حال ہی میں حکومتی احکامات کے پیش نظر افغان پناہ گزینوں کی وطن واپسی کا سلسلہ جاری ہے، تاہم غیر قانونی مقیم تمام غیر ملکیوں کو پاکستان چھوڑنے کی ڈیڈلائن میں صرف 2 دن باقی رہ گئے۔

تفصیلات کے مطابق غیر قانونی افغان باشندوں کو پاکستانی حکومت کی جانب سے 31 اکتوبر تک ملک چھوڑنے کی ڈیڈ لائن دی گئی تھی، تاہم افغان باشندوں کی پاکستان سے اپنے ملک واپسی کا سلسلہ روزانہ کی بنیاد پر جاری ہے ۔

28 اکتوبر کو 4572 افغان باشندے اپنے ملک چلے گئے، جن میں 1292 مرد، 668 خواتین اور 2612 بچے بذریعہ طور خم بارڈر افغانستان روانہ ہوئے، تاہم افغانستان روانگی کے لئے 174 گاڑیوں میں 149 خاندانوں کی اپنے ملک واپسی عمل میں لائی گئی جبکہ اب تک کل 86,546 افغان پناہ گزینوں کی اپنے وطن واپسی ہوچکی ہے۔

یاد رہے کہ پاکستان نے ہمیشہ ایک ہمدرد اور ذمہ دار ہمسائے کا کردار ادا کیا ہے جس کی دنیا میں کوئی مثال نہیں ملتی، پاکستان کئی دہائیوں سے افغانستان کے جنگی متاثرین کو اپنے ملک میں پناہ دیے ہوئے ہیں۔

پاکستان میں دہشت گردی، منشیات، کلیشنکوف کلچر، اسمگلنگ جیسے بے شمار جرائم افغان پناہ گزینون کی وجہ سے پیدا ہوئے ہیں جس کے پیش نظر  حکومت پاکستان  نے غیر قانونی شہریوں کو پاکستان چھوڑنے کے لئے 31 اکتوبر کی ڈیڈ لائن دی ہے۔

حکومت پاکستان اور عسکری قیادت نے پاکستان کی سالمیت کے پیش نظر ان جرائم کو ختم کرنے کا اٹل فیصلہ کرلیا ہے، تاہم  حکومتی احکامات کے پیشِ نظر طورخم اور چمن بارڈر سے روزانہ ہزاروں افغان باشندے اپنے وطن واپس جا رہے ہیں۔

افغان مہاجرین نے وطن واپسی پر اظہار خیال کرتے ہوئے کہا کہ ہم پاکستان کا تہہ دل سے شکریہ ادا کرتے ہیں جنہوں نے چالیس سال تک ہمیں پناہ دی، “جب ہمارے ملک میں جنگ چل رہی تھی تب ہم پاکستان آئے اور یہاں ہمیں بھائیوں کی طرح رکھا گیا۔

افغان مہاجرین کا کہنا تھا کہ ہم شکریہ ادا کرتے ہیں کہ ہمارا اتنا خیال رکھا گیا اور آج باعزت اپنے ملک واپس جارہے ہیں، ہم اپی خوشی اور زضامندی سے اپنے ملک واپس جارہے ہیں اور دعاگو ہیں کہ پاکستان ہمیشہ خوشحال رہے، ہمارے ساتھ کوئی زبردستی نہیں ہوئی اور ہم اپنی مرضی سے افغانستان واپس جارہے ہیں کیونکہ ہمارے پاس کوئی دستاویزات نہیں تھے۔

افغان باشندوں کی رضاکارانہ طور پر اپنے وطن واپسی کا اقدام قابلِ ستائش ہے، افغان باشندوں کی افغانستان واپسی کا عمل دونوں ممالک کے حق میں مثبت نتائج مرتب کرے گا۔

واضح رہے کہ حکومت پاکستان افغانوں سمیت تمام غیر قانونی غیر ملکی شہریوں کی ان کے متعلقہ ممالک کو رضاکارانہ وطن واپسی کے لئے دی گئی آخری تاریخ میں توسیع نہیں کرے گی۔

غیر قانونی تارکین وطن کو دی گئی مہلت میں صرف 2 روز باقی رہ گئے ہیں، تاہم غیر قانونی طور پر مقیم غیرملکیوں کو 31 اکتوبر تک پاکستان چھوڑنا ہوگا، بصورت دیگر قانون نافذ کرنے والے ادارے گرفتاری اور ملک بدری کو یقینی بنائیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/352917/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/352917/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں