مسلم لیگ (ن) کے سینئر رہنما حنیف عباسی نے کہا ہے کہ نواز شریف ہی ملک کے اگلے وزیر اعظم بنیں گے۔

تفصیلات کے مطابق مسلم لیگ (ن) کے سینئر رہنما حنیف عباسی نے میڈیا سے گفتگو کرتے ہوئے کہا کہ الیکشن میں لیول پلینگ مواقع سب کے لیے ہونے چاہیں لیکن نو مئی کے واقعات میں ملوث کسی کو بھی رعایت نہیں ملنی چاہیے، میاں محمد نواز شریف کو میں چوتھی بار وزیر اعظم بنتا دیکھ رہا ہوں، شاہد خاقان عباسی اور سردار مہتاب عباسی ہمارے بڑے بھائی ہیں گھر کے معاملات گھر میں ہی حل ہونے چاہیں میڈیا ٹاک شو میں نہیں، الیکشن کمیشن کے مطابق جنوری میں ملک کے عام انتخابات متوقع ہیں۔

حنیف عباسی نے کہا کہ راولپنڈی میں (ن) لیگ کے ٹکٹ ہولڈرز کے فیصلے کر لیے ہیں، مری کے فیصلے باہمی مشاورت سے کریں گے، گزشتہ دور میں میرے اور رانا ثنا اللہ کے اوپر من گھڑت مقدمات بنائے گئے تھے اور اللہ کے فضل و کرم سے ہم سرخرو ہوئے اور باعزت بری ہوئے، میاں محمد نواز شریف بین الاقوامی لیڈر ہیں جو ان کی لاہور کی تقریر سے ثابت ہو گیا ہے کہ بڑے بندے کی بڑی تقریر ہے، اگر میاں نواز شریف کوہر دفعہ پانچ سال پورے کرنے دیے جاتے ہیں تو یہ مملکت خداداد پاکستان آج دنیا کے ترقی یافتہ ممالک میں شامل ہوتا۔

حنیف عباسی نے کہا کہ جہاں تک آج کل لیول پلینگ کی بات ہو رہی ہے، لیول پلنک سب کے لیے ہونا چاہیے میں ماننے کے لیے تیار ہوں تمام پارٹیوں کو اس کی اجازت ہونی چاہیے کہ وہ الیکشن لڑیں، کسی صورت بھی جو 9 مئی میں ملوث ہیں انکو معاف نہیں کیا جانا چاہیے، شاہد خاقان عباسی کو اپنی ذات کے حوالے سے فیصلہ کرنے کا اختیار حاصل ہے۔

واضح رہے کہ ملک میں عام انتخابات کی تیاریاں جاری ہیں، تاہم اس حوالے سے 21 ستمبر 2023 کو الیکشن کمیشن آف پاکستان نے اہم اعلان کرتے ہوئے کہا تھا کہ ملک میں عام انتخابات جنوری 2024 کے آخری ہفتے میں کرادیے جائیں گے۔

الیکشن کمیشن کی جانب سے جاری کردہ اعلامیے کے مطابق آج الیکشن کمیشن نے حلقہ بندیوں کے کام کا جائز ہ لیا اور فیصلہ کیا کہ حلقہ بندیوں کی ابتدائی فہرست 27 ستمبر 2023 کو شائع کر دی جائے گی۔

اعلامیے میں کہا گیا تھا کہ ابتدائی حلقہ بندیوں پر اعتراضات وتجاویز کی سماعت کے بعد حلقہ بندیوں کی حتمی فہرست 30نومبر کو شائع کی جائے گی۔ حتمی فہرستوں کے بعد 54 دن کے الیکشن پروگرام کے انتخابات جنوری 2024 کے آخری ہفتے میں کروادیے جائیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/10/440712/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/440712/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں