چئیرمین ایف بی آر امجد زبیر نے کہا ہے کہ نئے ٹیکسز لگانے کی کوئی تجویز زیرغور نہیں ہے۔

تفصیلات کے مطابق نگران وزیرخزانہ ڈاکٹر شمشاد اختر کی زیرصدارت ملکی معاشی صورتحال پر اجلاس ہوا جس میں چئیرمین ایف بی آر نے بورڈ ممبران کے ہمراہ وزیرخزانہ کو بریفنگ دی۔

 اسمگلنگ کی روک تھام کیلئے اقدامات اور ریونیو کلیکشن پر بریفنگ دی گئی۔

چئیرمین ایف بی آر امجد زبیر نے کہا کہ نئے ٹیکسز لگانے کی کوئی تجویز زیرغور نہیں، زراعت پر ٹیکس لگانا صوبوں کا اختیار ہے، طے شدہ ٹارگٹ کے مطابق ٹیکس جمع کر رہے ہیں، دکانوں پر ٹیکس لگانے کیلئے فی الحال تجویز زیرغور نہیں ہے۔

علاوہ ازیں ایف بی آر نے افغان ٹرانزٹ ٹریڈ کے تحت درآمد ہونے والی پانچ اشیاء پر 10 فیصد پروسسنگ فی عائد کر دی ہے، افغان ٹرانزٹ ٹریڈ کے تحت چاکلیٹ اور ٹافیوں کی 10 ٹیرف لائنز کی درآمد پر پروسسنگ فیس عائد کی گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/461295/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/461295/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں