رہنما (ن) لیگ حنیف عباسی نے کہا ہے کہ نواز شریف چوتھی بار وزیراعظم بننے جا رہے ہیں۔

تفصیلات کے مطابق حنیف عباسی نے احتساب عدالت میں صحافیوں سے گفتگو کرتے ہوئے کہا کہ ثابت ہو گیا کہ نواز شریف ہی ملک کی کشتی پار کروا سکتے ہیں۔

انہوں نے کہا کہ جو فقیدالمثال استقبال میاں محمد نواز شریف کا ہوا اسی کی مثال نہیں ملتی، اتنا چارج جلسہ ہم نے اپنی آنکھوں سے نہیں دیکھا۔

حنیف عباسی نے کہا کہ 9 مئی کے واقعے میں ملوث افراد کو سزا ملنی چاہیے، انہوں نے ملک کو جلانے کی کوشش کی، الیکشن پر بات کرنا ہر سیاسی لیڈر کا حق ہے، بلاول کے لیے لیول پلائنگ فیلڈ ہے۔

واضح رہے کہ 21 اکتوبر 2023 کو پاکستان مسلم لیگ (ن) کے قائد نواز شریف نے 4 سال بعد وطن واپسی پر مینار پاکستان پر جلسے سے خطاب کرتے ہوئے کہا کہ پاکستان کی دوبارہ تعمیر نو کریں گے، متحد ہو کر نیا پلان بنانا ہوگا، ڈبل اسپیڈ سے دوڑنا ہوگا، قومی وقار کو بلند کرنا ہوگا، بے روزگاری اور غربت کا خاتمہ کرنا ہوگا، دنیا کے ساتھ تعلقات استوار کرنا ہوں گے اور مسئلہ کشمیر کے حل کے لئے بھی آگے بڑھنا ہوگا، ملک برباد ہوچکا، اب غلطی کی گنجائش نہیں، سیاسی جماعتوں اور اداروں کو مل کر کام کرنا ہوگا، میری اللہ تعالیٰ سے دعا ہے کہ میرے دل کے اندر کبھی بھی انتقام کا کوئی جذبہ نہ لے کر آنا، میں اس قوم کی خدمت کرنا چاہتا ہوں، میں نے پہلے بھی خدمت کی ہے، اللہ مسلم لیگ ن کو اور بھی توفیق دے کہ خدمت کا سلسلہ جاری رکھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/475470/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/10/475470/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔