نگران وزیراعلیٰ پنجاب محسن نقوی کی زیر صدارت صوبائی کابینہ کا 29 واں اجلاس ہوا۔

تفصیلات کے مطابق اجلاس میں پنجاب کے بڑے ہسپتالوں میں علاج معالجے کی سہولتوں کی بہتری اور اپ گریڈیشن کیلئے 5 ارب روپے کے فنڈز کی منظوری دی گئی اور ریونیو بڑھانے کیلئے پنجاب ہاؤس کراچی کے لان کو تقریبات کیلئے کرائے پر دینے کا فیصلہ کرتے ہوئے کابینہ نے باقاعدہ منظوری دے دی کہ پنجاب ہاؤس کراچی کے لان کو 3 لاکھ روپے کرائے پر تقریبات کے لئے دیا جا سکے گا۔

اجلاس میں کسی بڑی ہوٹل چین کے ساتھ لان کو تقریبات کیلئے کرائے پر دینے کے حوالے سے معاہدہ کرنے کی بھی منظوری دی گئی۔

کابینہ نے منظوری دے دی کہ ڈپٹی کمشنرلاہور، میٹروپولیٹن کارپوریشن لاہورکے ایڈمنسٹریٹر ہوں گے۔

دوران سروس وفات پانے والے سرکاری ملازمین کے اہل خانہ کے لئے مالی امداد کے پیکیج کو مزید بہتر بنانے کی ہدایت بھی کی گئی۔

محسن نقوی نے کہا کہ کابینہ کے آئندہ اجلاس میں مالی امدادکے پیکیج کو منظوری کے لئے پیش کیا جائے۔

کڈنی،نفسیات اور نشے کے عادی مریضوں کو معیاری علاج و بحالی کی سہولتیں فراہم کی جائیں گی۔

کابینہ نے ڈائلسز سنٹرز اور نفسیاتی ونشے کے عادی مریضوں کے سنٹرز میں علاج و بحالی کے طریقہ کار ایم ایس ڈی ایس کا معیار مقرر کرنے کی بھی منظوری دے دی۔

اب گاؤں چمکیں گے پروگرام کے تحت یونین کونسلز کواختیارات دینے، پنجاب ایگریکلچر، فوڈ اینڈ ڈرگ اتھارٹی کے ڈی جی اور دیگر آسامیوں پر بھرتی کے طریقہ کار کی بھی منظوری دی گئی۔

حکومت پنجاب اور ضلعی حکومتوں کے سال 2020-21، 2021-22 اور 2022-23کے اکاؤنٹس کی خصوصی پرفارمنس و آڈٹ رپورٹس کی منظوری دی گئی۔

اجلاس میں اسلامی نظریاتی کونسل کی رپورٹس کی منظوری بھی دی گئی۔

اس موقع پر صوبائی وزراء،مشیران،چیف سیکرٹری،انسپکٹر جنرل پولیس، ایڈووکیٹ جنرل پنجاب اور متعلقہ حکام بھی موجود تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/501314/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/501314/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں