لاہور: نگران وزیر اعظم انوار الحق کاکڑ نے حضرت علی ہجویری کے مزار پر حاضری دی ہے۔

تفصیلات کے مطابق نگران وزیر اعظم انوار الحق کاکڑ نے اپنے دورہ لاہور کے دوران حضرت علی ہجویری کے مزار پر حاضری دی، فاتحہ خوانی کی، پھولوں کی چادر چڑھائی اور ملکی ترقی و خوشحالی کے لیے خصوصی دعا کی۔

اس موقع پر نگران وزیر اعظم کے ہمراہ وزیر اعلیٰ پنجاب محسن رضا نقوی، صوبائی کابینہ کے اراکین اور دیگر بھی موجود تھے۔

دوسری جانب نگران وزیر اعظم انوار الحق کاکڑ نے لاہور میں منعقدہ نمائش میں ملک کی زرعی یونیورسٹیوں کی جانب سے لگائے گئے مختلف زرعی مصنوعات کے اسٹالز کا دورہ بھی کیا۔

انوار الحق کاکڑ نے کاشتکار برادری کو گندم، گنے، سویابین اور دیگر فصلوں کے بیجوں کی مقامی طور پر تیار کی جانے والی نئی اقسام کو فروغ دینے کے لیے حکومتی تعاون کا یقین دلایا جس کا مقصد درآمد شدہ بیجوں پر انحصار کم کرنا ہے۔

نگران وزیر اعظم نے گفتگو کرتے ہوئے کہا کہ حکومت فوری فیصلہ سازی کے ذریعے نئی اقسام متعارف کرانے میں حائل تمام رکاوٹوں کو دور کرے گی۔

یاد رہے کہ نگران وزیر اعظم انوار الحق کاکڑ آج لاہور یونیورسٹی آف مینجمنٹ سائنسز (ایل یو ایم ایس) کے طلباء و طالبات سے ملاقات کریں گے اور ان کے ساتھ ایک سیشن میں خصوصی شرکت کریں گے۔

اپنے دو روزہ دورے کے دوران نگران وزیر اعظم لاہور رنگ روڈ کے جنوبی حصے، شاہدرہ فلائی اوور اور میو اسپتال لاہور کا جائزہ بھی لیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/668957/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/668957/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں