نگراں وزیر اعلیٰ بلوچستان میر علی مردان خان ڈومکی نے کہا ہے کہ بلوچستان حکومت بیرونی سرمایہ کاروں کو خوش آمدید کہتی ہے۔

تفصیلات کے مطابق نگراں وزیر اعلیٰ بلوچستان میر علی مردان خان ڈومکی سے چیف ایگزیکٹو آفیسر بیرک گولڈ کارپوریشن مسٹر مارک بریسٹو کی ملاقات ہوئی۔

ملاقات میں نگران وزیر اعلیٰ بلوچستان میر علی مردان خان ڈومکی نے بیرک گولڈ کارپوریشن کے چیف ایگزیکٹو آفیسر مارک بریسٹو سے بات چیت کرتے ہوئے کہا کہ بلوچستان بلا شبہ معدنی وسائل سے مالا مال صوبہ ہے، بلوچستان کے قدرتی ذخائر صوبے کی تعمیر و ترقی اور معاشی خود کفالت کی جانب کلیدی اہمیت کے حامل ہیں، بلوچستان حکومت بیرونی سرمایہ کاروں کو خوش آمدید کہتی ہے، حکومت بلوچستان بیرک گولڈ کارپوریسن کو کلیدی کاروباری ساتھی سمجھتی ہے۔

انہوں نے کہا کہ صوبائی حکومت مستقبل میں سرمایہ کاری میں تعاون کو مزید وسعت دینے کا عزم رکھتی ہے، یہ منصوبہ بلوچستان کے لوگوں کیلئے فنی تربیت اور روزگار کے مواقعوں کیلئے اہمیت کا حامل ہے، اس منصوبے کے تحت سماجی بہبود کیلئے جو وسائل مختص کئے گئے ہیں اس سے لوگوں کے معیار زندگی بلند ہوگا، مقامی لوگوں کو تعلیمی وظائف کے ذریعے معیاری تعلیم کے مواقع ملیں گے، کوئٹہ ، حکومت بلوچستان کی جانب سے منصوبے میں تعاون کی یقین دہانی کراتے ہیں، اس منصوبے کی کامیابی کیلئے مشترکہ کوششیں کی جائیں گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/690521/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/10/690521/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں