کراچی میں موسم گرم اور مرطوب، مطلع کہیں صاف کہیں جزوی ابرآلود رہنے کا امکان ہے۔

تفصیلات کے مطابق محکمہ موسمیات نے اپنی جاری کردہ رپورٹ میں بتایا کہ شہر کا کم سے کم درجہ حرارت 26 ڈگری ریکارڈ کیا گیا جبکہ زیادہ سے زیادہ پارہ 34 ڈگری تک رہنے کا امکان ہے۔

ادارے کا کہنا ہے کہ ہوا میں نمی کا تناسب دن کے اوقات میں اوسطا 80 جبکہ شام میں 60 فیصد تک رہے گا، ہوا میں شدید نمی کے باعث گرمی کی شدت 38 ڈگری تک محسوس کی جا سکتی ہے۔

رپورٹ کے مطابق شہر میں سمندری ہوائیں جزوی بحال، مغرب اور جنوب مغربی سمت سے ہواؤں کا سلسلہ بھی جاری ہے، سندھ کے بالائی اور وسطی علاقوں میں دن میں گرمی کا زور برقرار ہے، بیشتر علاقوں میں رات کا پارہ 20 سے 23 ڈگری تک رہا۔

محکمہ موسمیات کے مطابق آج دادو، لاڑکانہ، جیکب آباد، سکھر، خیر پور، شہید بینظیر آباد میں پارہ 37 سے 40 ڈگری کے درمیان رہنے کی توقع ہے جبکہ حیدرآباد، میر پور خاص، مٹھی میں درجہ حرارت 36 سے 38 ڈگری اور ٹھٹھہ، بدین، سجاول میں 33 سے 35 ڈگری تک رہنے کا امکان ہے۔

بارشیں ہی بارشیں؛ محکمہ موسمیات نے اہم پیش گوئی کر دی

واضح رہے کہ محکمہ موسمیات کے مطابق موسم سرما میں معمول یا معمول سے زیادہ بارشیں ہو سکتی ہیں، ملک بھر میں درجہ حرارت معمول سے زیادہ رہنے کا امکان ہے۔

ملک کے مغربی اور شمال مغربی علاقوں میں معمول سے زیادہ بارش متوقع ہے، بلوچستان، خیبرپختونخوا میں معمول سے زیادہ بارشوں کا امکان ہے۔

رپورٹ کے مطابق بالائی پنجاب اور کشمیر میں معمول سے قدرے زیادہ بارش ہو گی، جنوب مغربی بلوچستان، بالائی خیبر پختونخواہ میں معمول سے زیادہ درجہ حرارت رہنے کا امکان ہے۔

محکمہ موسمیات کا کہنا ہے کہ گلگت بلتستان میں بھی معمول سے زیادہ درجہ حرارت رہنے کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/10/708438/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/708438/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں