اتحاد اہلسنت بلوچستان کی اپیل پر مستونگ واقعہ کےخلاف کوئٹہ میں شٹرڈاؤن ہڑتال کا اعلان کیا گیا ہے۔

تفصیلات کے مطابق ہڑتال کی وجہ سے کوئٹہ میں تمام دکانیں اور کاروباری مراکز بند رہیں گے، سڑکوں پر ٹریفک کم اور سیکیورٹی کے سخت انتظامات کیے گئے ہیں۔

ذرائع کے مطابق صوبے بھر میں آج سانحہ مستونگ کے خلاف احتجاج کیا جائے گا۔

علامہ سید شجاع الحق ہاشمی کا کہنا ہےکہ عوام اور تاجربرادری غم کے اس لمحات میں اہلسنت کا ساتھ دیں، عوام احتجاج کو کامیاب بنانے میں اپنا کردار ادا کریں۔

انہوں نے کہاکہ سانحہ مستونگ کے سہولت کار اور ملوث افراد کے خلاف کارروائی کی جائے ۔

واضح رہے کہ 12 ربیع الاول کو مستونگ میں عید میلاد النبی ﷺ کے جلوس میں خودکش دھماکے سے اب تک 55 افراد جان کی بازی ہار بیٹھے ہیں۔