پشتونخوامیپ کے سربراہ محمود خان اچکزئی نے کہا ہے کہ ملک کے بحرانوں کی اصل وجہ آئین پر عملدرآمد نہ ہونا ہے۔

تفصیلات کے مطابق بلوچستان انٹرنیشنل تھنک ٹینک اینڈ فرینڈز آف یونیورس سوسائیٹی کے زیر اہتمام تقسیم انعامات کی تقریب کا انعقاد کیا گیا۔

پریس کلب کوئٹہ میں منعقدہ تقریب سے پشتونخوامیپ کے سربراہ محمود خان اچکزئی نے تقریب سے خطاب کرتے ہوئے کہا کہ ملک کے بحرانوں کی اصل وجہ آئین پر عملدرآمد نہ ہونا ہے، ملک کو بحرانوں سے نکالنے کے لیے پارلیمنٹ کی بالادستی کو تسلیم  کرنا ہوگا۔

انہوں نے کہا کہ جب لیگ آف نیشن بن گیا تو اس وقت دنیا میں ممالک کی تعداد 60 کے قریب تھی، بے انصافیوں کی وجہ سے ممالک ٹوٹ گئے اور ان کی تعداد اب 192 ہوگئی ہے، اگر ایک گھر میں انصاف نہ ہو تو حقیقی بھائی بھی اکھٹے نہیں چل سکتے، اگر انصاف اور حقیقی جمہوریت  کو یقینی نہیں بنایا گیا تو ملک سے بحرانوں کا خاتمہ ممکن نہیں ہوگا۔

 پشتونخوامیپ کے سربراہ محمود خان اچکزئی نے مزید کہا کہ چین افغانستان اور پاکستان کو بٹھا کر ان کے درمیان مسائل اور شکایات کو حل کرے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/779188/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/779188/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں