نگراں وزیر اعلیٰ سندھ جسٹس (ر) مقبول باقر نے ایم ڈی کیٹ 2023 کے انٹری ٹیسٹ کے نتائج منسوخ کرنے کا حکم دے دیا ہے۔

ترجمان وزیراعلیٰ سندھ کا کہنا ہے کہ نگراں وزیراعلیٰ سندھ جسٹس (ر) مقبول باقر نے ڈائو یونیورسٹی کو ایم ڈی کیٹ ٹیسٹ منعقد کرنے کی ہدایت دے دی ہے۔

نگراں وزیراعلیٰ سندھ جسٹس (ر) مقبول باقر کی ہدایت پر ایم ڈی کیٹ ٹیسٹ دوبارہ کروانے کا حکم دیا ہے۔

 جسٹس (ر) مقبول باقر نے ایف آئی اے کو ایم ڈی کیٹ ٹیسٹ کی انکوائری کرنے کی ہدایت دے دی ہے، ایم ڈی کیٹ ٹیسٹ دوبارہ منعقد کرانے کی تاریخ کا اعلان جلد کیا جائے گا۔

دوسری جانب نگراں وزیر اعلیٰ سندھ جسٹس (ر) مقبول باقر کی زیر صدارت محکمہ آبپاشی کا اجلاس ہوا جس میں نگراں وزیراعلیٰ سندھ کو سیکریٹری آبپاشی  نیاز عباسی نے بریفنگ دیتے ہوئے کہا کہ ایل بی او ڈی سکھر تا کوٹری بیراج کی لمبائی 968 کلو میٹر ہے، ایل بی او ڈی 110 ڈرین پر مشتمل ہیں، آر بی او ڈی ٹو 237 کلو میٹر ڈرین زیرِ تعمیر ہے، سکھر بیراج  کمانڈ کے 1909 میل 361 ڈرین ہیں، کوٹری بیراج کمانڈ کے 2030 میل پر 361 ڈرین ہیں، سکھر اور کوٹری کمانڈ یعنی ایل بی او ڈی کے 63 میل پر 5 ڈرین ہیں۔

جسٹس (ر) مقبول باقر نے ہدایت کی کہ محکمہ آبپاشی اپنے ڈرینیج  سسٹم کو بہتر کرے۔

 نگراں وزیراعلیٰ سندھ جسٹس (ر) مقبول باقر نے کہا کہ آر بی او ڈی کا کام مکمل ہونا چاہیے، بارشوں اور سیلاب کی صورت میں پانی کی نکاسی ممکن  ہوسکے؛ ہم موسمی تبدیلی کے باعث اپنے شہر اور دیہات کا ہر بار ڈوبنا افورڈ نہیں کرسکتے۔

اجلاس میں وزیر آبپاشی ایشور لعل، چیف سیکریٹری ڈاکٹر فخر عالم ، چیئرمین پی اینڈ ڈی شکیل منگنیجو، وزیراعلیٰ سندھ کے پرنسپل سیکریٹری حسن نقوی، سیکریٹری صحت کاظم جتوئی، سیکریٹری  آبپاشی نیاز عباسی، چیف انجینئر ظریف کھیڑو اور دیگر نے بھی شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/832089/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/10/832089/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں