پاکستان بار کونسل نے فلسطینی عوام کے ساتھ اظہار یکجہتی کے لیے کل یعنی 19 اکتوبر کو ملک گیر احتجاج کا اعلان کیا ہے۔

پاکستان بار کونسل کا کہنا ہے کہ بے گناہ فلسطینیوں کے خلاف اسرائیلی جارحیت کی شدید مذمت کرتے ہیں۔

بار کونسل نے کہا کہ بین الاقوامی انسانی قانون کی سراسر خلاف ورزی کے نتیجے میں جاری جارحیت، ظلم، فضائی حملوں کا نشانہ بنایا گیا، وکلاء برادری کو معصوم جانوں کے نقصان اور غزہ کی پٹی کی غیر انسانی ناکہ بندی پر گہری تشویش ہے۔

 پاکستان بار کونسل نے مطالبہ کیا کہ اقوام متحدہ اور عالمی برادری خطے میں پائیدار امن کے حصول کے لیے بات چیت اور مذاکرات کو آسان بنانے کے لیے اپنی کوششیں تیز کریں۔

بار کونسل نے کہا کہ فلسطین کے دیرینہ تنازعہ کے پرامن اور منصفانہ حل کی ضرورت ہے، فلسطین امت مسلمہ کا مقدس مقام ہے اس لیے فلسطینی عوام کے ساتھ یکجہتی کے لیے کھڑے ہیں۔

پاکستان بار کونسل نے مطالبہ کیا کہ پاکستان بے گناہ فلسطینیوں کے خلاف مظالم بند کرنے، اسرائیل پر دباؤ ڈالنے کے لیے بین الاقوامی سطح پر فوری اقدامات کرے۔

بار کونسل نے کہا کہ ملک بھر کی تمام بار ایسوسی ایشن احتجاجی مظاہرے کریں اور قراردادیں پاس کریں۔

واضح رہے کہ اسرائیلی بمباری سے شہید فلسطینیوں کی تعداد 2900 کے قریب پہنچ گئی ہے جن میں ایک ہزار سے زائد بچے بھی شامل ہیں جب کہ زخمیوں کی تعداد 10859 تک پہنچ گئی ہے۔

اسرائیلی فوج کی جانب سے 250 نہتے فلسطینیوں کو دھوکے سے قتل کرنے کے مناظر نے دنیا کو ہلا کر رکھ دیا ہے۔

اسرائیلی فوج نے غزہ کے 11 لاکھ لوگوں کو  محفوظ راستہ فراہم کرنے کا جھوٹا اعلان کرکے نقل مکانی کرنے کا کہا اور پھر ان ہی پربمباری کردی۔

فلسطین میں بڑی تعداد میں شہادتوں کے بعد  میتیں رکھنے  کے لیے اسپتالوں کے مردہ خانوں میں جگہ کم پڑ گئی اور شہداء کی میتوں کو آئس کریم ٹرکوں اور ریفریجریٹر گاڑیوں میں رکھا جانے لگا ہے۔

مردہ خانوں میں جگہ کم پڑنے کے بعد قبرستانوں میں بھی جگہ کم پڑگئی ہے اور کئی میتوں کو ایک ساتھ دفنایا جارہا ہے۔

اسرائیل افواج کی جانب سے مسلسل رہائشی عمارتوں، اسپتالوں اور اسکولوں کو بمباری کا نشانہ  بنایا جارہا ہے۔

اقوام متحدہ  کے ادارہ برائے انسانی امور کی جانب سے جاری بیان میں کہا گیا کہ   غزہ میں 3 لاکھ 38 ہزار سے زائد لوگ بے گھر ہو چکے ہیں جبکہ ڈھائی ہزار سے زیادہ مکانات کو شدید نقصان پہنچا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/872727/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/872727/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں