نگراں وزیر اطلاعات جان اچکزئی نے کہا ہے کہ عدالت عالیہ کے حکم پر امن وامان کے پیش نظر دفعہ 144 نافذ کیا۔

تفصیلات کے مطابق نگراں وزیر اطلاعات جان اچکزئی نے بی این پی کے لانگ مارچ پر ردعمل دیتے ہوئے کہا کہ بی این پی کے سربراہ سردار اختر مینگل کا مخالفین سے زمین کا تنازعہ ہے، حکومت نے وڈھ تنازعہ کے حل کے لیے باقاعدہ کمیٹی قائم کی، کمیٹی کا دو بار اجلاس منعقد ہوا، کمیٹی کے اجلاس میں بی این پی کے کسی بھی ممبر نے شرکت نہیں کی۔

انہوں نے کہا کہ وڈھ تنازعہ میں کئی افراد قتل ہوئے لیکن سردار اختر مینگل نے ان کے لواحقین سے تعزیت تک نہیں کی، عدالت عالیہ کے حکم پر امن وامان کے پیش نظر دفعہ 144 نافذ کیا۔

نگراں وزیر اطلاعات جان اچکزئی نے مزید کہا کہ بی این پی کے لانگ مارچ کا کوئی جواز نہیں ہے، دفعہ 144 کی خلاف ورزی پر قانون حرکت میں آئے گا، بی این پی کے جلوس میں فساد کا خطرہ ہے۔ا

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/894917/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/894917/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں