شہر قائد میں ڈاکو بے لگام ہوگئے ہیں جس کے باعث شہری غیر محفوظ ہو کر رہ گئے ہیں۔

تفصیلات کے مطابق کراچی میں فیروز آباد کے علاقے میں ایک ہی روز اور ایک ہی گلی میں ڈکیتی کی دوسری واردات ہوئی اور واردات  کی سی سی ٹی وی فوٹیج بھی سامنے آگئی ہے۔

لوٹ مار کے واقعات کا مقدمہ فیروز آباد تھانے میں درج کر لیا گیا ہے۔

اس سے پہلے دو روز قبل طارق روڈ کمرشل ایریا کی گلی میں دو مسلح موٹرسائیکل سوار ملزمان نے لوٹ مار کی، ملزمان نے  پہلے کار سوار کو لوٹا جس کے بعد انہوں نے پیدل آنے والے شہری سے بھی موبائل فون چھین لیے،ملزمان پیدل شہری سے دو موبائل فون اور کار سوار سے موبائل فون اور پرس چھین کر چلتے بنے۔

 پیدل شہری نے پہلے ڈکیتوں کو دیکھ کر فرار ہونے کی کوشش کی، تاہم ملزمان نے اسے اسلحہ دکھا کر روک دیا۔

واضح رہے کہ رواں سال میں اب تک ڈکیتوں کی فائرنگ سے 111 شہری قتل جبکہ سیکڑوں زخمی ہوچکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/953352/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/953352/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں