سائفر کیس میں اسلام آباد ہائیکورٹ نے چیئرمین پی ٹی آئی کی انٹراکورٹ اپیل منظور کرلی ہے۔

تفصیلات کے مطابق اسلام آباد ہائیکورٹ نے سائفر کیس کا جیل ٹرائل کالعدم قرار دیتے ہوئے چیئرمین پی ٹی آئی کی انٹراکورٹ اپیل منظور کر لی ہے۔

اسلام آباد ہائیکورٹ نے 29 اگست سے اب تک کے وزارت قانون کے تمام نوٹیفکیشنز کالعدم قرار دیدیے ہیں۔

جسٹس میاں گل حسن اورنگزیب اور جسٹس ثمن رفعت امتیاز نے سائفر کیس میں انٹراکورٹ اپیل کے حوالے سے تحریری فیصلہ جاری کر دیا ہے۔

اسلام آباد ہائیکورٹ نے اپنے جاری کردہ بیان میں کہا کہ وفاقی کابینہ کی جیل ٹرائل کی منظوری کا ماضی کے ٹرائل پر اطلاق نہیں ہوگا۔

 جاری کردہ تحریری فیصلے کے مطابق جیل ٹرائل تب ہی کیا جا سکتا ہے جب وہ اوپن ٹرائل کے تمام تقاضے پورے کرے، آفیشل سیکرٹ ایکٹ کے جج کی تعیناتی کا 27 جون کا نوٹیفکیشن قانون کے مطابق درست ہے، جیل ٹرائل ممکن ہے لیکن اس کے لیے قانونی تقاضے پورے کرنا ضروری ہیں۔

اسلام آباد ہائیکورٹ نے اپنے جاری کردہ بیان میں کہا کہ29 اگست سے آج تک کا جیل ٹرائل کالعدم قرار دیا جاتا ہے، جیل ٹرائل سے متعلق 29 اگست، 12 ستمبر، 25 ستمبر، 3 اکتوبر اور 13 اکتوبر کے نوٹیفکیشنز غیر قانونی قرار دیے، وفاقی کابینہ کی منظوری کے بعد 15 نومبر کو جیل ٹرائل کے نوٹی فکیشن کا ماضی پر اطلاق نہیں ہو گا۔

 جاری کردہ تحریری فیصلے کے مطابق اسلام آباد ہائیکورٹ نے 29 اگست کے بعد ہونے والے ٹرائل کی تمام پروسیڈنگ کاالعدم قرار دیدی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/145701/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/11/145701/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔